05.11.2026 | 15:37
Ռոբերտ Քոչարյանի գործով դատական նիստը՝ ՈՒՂԻՂ
ԵՄ-ն ազատականացնում է Հայաստանից արտահանման շուրջ 80%-ը
Քաղաքականություն
02.09.2026 | 14:28
ԵՄ Խորհուրդը (Coreper II դեսպանների մակարդակով) քիչ առաջ հավանություն տվեց օրենսդրական նախաձեռնությանը, որով նախատեսվում է երկու տարով ժամանակավորապես կասեցնել մաքսատուրքերը հայկական ապրանքների լայն շրջանակի համար և ազատականացնել Հայաստանից ԵՄ արտահանման շուրջ 80%-ը։
Այս մասին հայտնում է Factor TV-ի թղթակիցը Բրյուսելից։ Արտոնյալ ռեժիմը կգործի մի շարք պայմաններով․ Հայաստանը պետք է պահպանի ապրանքների ծագման կանոնները, ԵՄ ներմուծման նկատմամբ նոր սահմանափակումներ չկիրառի և հարգի ԵՄ–Հայաստան համապարփակ և ընդլայնված գործընկերության համաձայնագրի հիմնարար սկզբունքները՝ ժողովրդավարությունը, օրենքի գերակայությունն ու մարդու իրավունքները։
Առաջարկը դեռ պետք է պաշտոնապես հաստատի Եվրոպական խորհրդարանն առաջիկա իր նիստում, որից հետո ԵՄ Խորհուրդը կհաստատի այն, կանոնակարգը կընդունվի և ուժի մեջ կմտնի ԵՄ Պաշտոնական տեղեկագրում հրապարակվելու հաջորդ օրը։
Կարինե Ասատրյան
Բրյուսել
