08.06.2026 | 20:51
«Ռեալը» ՈՒԵՖԱ-ին խնդրել է «Բարսելոնային» զրկել տիտղոսներից
Ալեքսանդր Լապշինի առողջական վիճակը վատացել է
Քաղաքականություն
03.05.2017 | 16:54
Ադրբեջանում բանտարկված բլոգեր Ալեքսանդր Լապշինի կինը՝ Եկատերինա Լապշինան, ֆեյսբուքի իր էջում արված գրառմամբ տեղեկացրել է, որ ամուսնու առողջական վիճակը վատացել է. նրա մոտ նյարդացավ է սկսվել:
«Ես տխուր նորություններ ունեմ Սաշայի մասին: Թեպետ նա այս պահին քննչական մեկուսարանի սանիտարական բաժնում է, սակայն դա դրական չի ազդում նրա առողջության վրա: Տախիկարդիային ավելացել է նյարդացավը»,- գրել է Եկատերինան:
Նա կանխատեսել է, որ Ադրբեջանի արդարադատության նախարարություն արված իր հերթական դիմումին կպատասխանեն տեղական ԶԼՄ-ները` գրելով, թե Լապշինը «որևէ բողոք չունի», կհիշեն Ասքերովին, կքարկոծեն Ռուսաստանի ԱԳՆ խոսնակ Մարիա Զախարովային և կտեղադրեն Բելառուսում արված Լապշինի լուսանկարը: «Չէ որ Սաշայի ներկա լուսանկարը շատ հանգիստ կարող է պատմել, թե ինչպես է անցնում կալանքի տակ մնալու ադապտացիան»,- եզրափակել է Լապշինի կինը:
