21.10.2026 | 11:37
Դավիթ Ղազինյանի ճեպազրույցը՝ ՈՒՂԻՂ
Ձեր սիրելի կաթողիկոսը ինչի՞ ա չորս երեխաների հորը տնից հանում, երեխաներին էլ հետը. Դավոյան․ ՏԵՍԱՆՅՈՒԹ
Քաղաքականություն
27.08.2026 | 11:16
ԱԺ «Քաղաքացիական պայմանագիր» խմբակցության պատգամավոր Արփինե Դավոյանը իր ելույթում անդրադարձավ «Ուժեղ Հայաստան» խմբակցության ղեկավար Նարեկ Կարապետյանի երեկվա ելույթին, որտեղ նա Գրիգոր Զոհրապի մասին արտահայտվել էր «էդ ցիլոյով մարդը» ձևակերպմամբ։ Դավոյանը հիշեցրեց Զոհրապի հասարակական-քաղաքական և իրավապաշտպան գործունեությունը և ընդգծեց, որ նա Հայ Առաքելական եկեղեցու կողմից սրբադասված Հայոց ցեղասպանության նահատակներից է։
Անդրադառնալով կալանավորումների հետ կապված ընդդիմության բարձրացրած հարցերին՝ Դավոյանը հակադարձեց՝ նշելով, որ առանց հիմքերի կալանավորումներ չեն լինում։
«Հենց այս պահին՝ նկատի ունեմ երեկ, այսօր, այս քանի օրը, ի՞նչ է տեղի ունենում։ Թալինի եկեղեցու հոգևոր հորը՝ Տեր Թադեին, տնից հանում են։ Չորս երեխաների հորը, Կտրիճ Ներսիսյանի անունով գրանցված տնից, երեխաների հետ միասին հանում են»,- ասաց Դավոյանը։
Մանրամասները՝ տեսանյութում։
Անի Թամրազյան
