21.10.2026 | 12:10
Ձերբակալվել է «Ուժեղ Հայաստանի» Ստեփանավանի համայնքապետի թեկնածուն // Թրամփի բանագնացը ՌԴ-ում է․ ԼՈՒՐԵՐ
Թուրքիայի նախագահականից հերքում են, որ Ադրբեջանում փորձել են իջեցնել թուրքական դրոշը
Քաղաքականություն
21.10.2026 | 11:45
Որոշ լրատվամիջոցներում և սոցիալական ցանցերի էջերում տարածվող պնդումները, թե «Ադրբեջանում փորձեր են արվել իջեցնել Թուրքիայի դրոշը», ապատեղեկատվություն է պարունակում։ Այս մասին հայտարարել է Թուրքիայի նախագահականին առընթեր Ապատեղեկատվության դեմ պայքարի կենտրոնը։
«Խոսքն ավելի վաղ շրջանի լուսանկարների մասին է։ Դրանց նկարահանման պահին մեր դրոշի դեմ բացասական արարք կատարելու փորձ կատարած սադրիչի նկատմամբ առաջին և ամենաուժեղ արձագանքը մեր ադրբեջանցի եղբայրներից է եղել։ Թուրքական դրոշն իջեցնելու որևէ դեպք չի եղել»,- ասվում է հայտարարության մեջ։
Նշվում է, որ նրանք, ովքեր «խմբագրում են հին բովանդակությունը, այն հանում են համատեքստից և տարածում են այնպես, կարծես այն նոր լինի, թիրախավորում են Թուրքիայի և Ադրբեջանի միջև բարեկամության և եղբայրության կապերը»։
Թարգմանությունը՝ Էմմա Չոբանյանի
