11.10.2026 | 13:06
Վթարային ջրանջատում Վանաձոր քաղաքում
Նեթանյահուն հայտնել է, որ Թրամփին առաջարկել է քննարկել Իրանի նկատմամբ «ավելի խիստ պաշարման» հնարավորությունը՝ կասկածելով գործարքի հնարավորությանը
Քաղաքականություն
26.08.2026 | 17:00
Իսրայելի վարչապետ Բենիամին Նեթանյահուն հայտարարել է, որ հուլիսին Վաշինգտոնում կայացած հանդիպման ժամանակ ԱՄՆ նախագահ Դոնալդ Թրամփի հետ քննարկել է Իրանի նկատմամբ հնարավոր գործողությունների երեք տարբերակ՝ դիվանագիտություն, ռազմական գործողություն և Թեհրանի նկատմամբ «պաշարման խստացում»։ Երրորդ տարբերակը նա կապում է Վաշինգտոնի կողմից պատժամիջոցների նոր ընդլայնված արշավի հետ՝ միաժամանակ կասկած հայտնելով Իրանի հետ որևէ համաձայնության հասնելու հնարավորության վերաբերյալ, գրում է The Times of Israel-ը։
«Ես մի քանի շաբաթ առաջ Սպիտակ տանը հանդիպեցի նախագահ Թրամփի հետ։ Մենք քննարկեցինք Իրանի դեմ գործողությունների երեք տարբերակ»,- ասել է Նեթանյահուն։
Նա նշել է, որ Թրամփին հայտնել է՝ կասկածում է Թեհրանի հետ «լավ գործարքի» հասնելու հնարավորությանը։ «Երկրորդ տարբերակը», որը քննարկվել է, «ռազմական գործողություններն» էին: Նեթանյահուն հավելել է, որ Իսրայելը պատրաստ կլինի պաշտպանել իրեն, եթե Իրանը հարձակվի։
«Մենք թույլ չենք տա Իրանին հարձակվել մեզ վրա, և եթե, Աստված մի արասցե, նրանք հարձակվեն մեզ վրա, կստանան իրենց պատկերացրածից շատ ավելի ուժեղ հարված, քան մինչ այժմ»,- հայտարարել է Նեթանյահուն։
Երրորդ տարբերակը, ըստ նրա, որը ներկայացրել է Թրամփին, «ուժեղացնել Իրանի պաշարումը», միաժամանակ, հավելելով՝ «Դուք որոշեք»։
Նեթանյահուն ուղղակիորեն չի ասել, որ ինքն է առաջարկել պատժամիջոցներ կիրառել Իրանի նկատմամբ, սակայն Վաշինգտոնի կողմից վերջերս ընդլայնված պատժամիջոցները, ըստ էության, ներկայացրել է որպես Թրամփի հետ քննարկած ճնշման ռազմավարության օրինակ։
Թարգմանությունը՝ Էմմա Չոբանյանի
