16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
ՀԱՊԿ գագաթնաժողովը հետաձգվել է անդամ երկրների նախագահների որոշմամբ. ՀԱՊԿ գլխավոր քարտուղարի պաշտոնակատար. Tert.am
Քաղաքականություն
05.12.2018 | 20:10
Դա եղել է ՀԱՊԿ անդամ պետությունների ղեկավարների որոշումը: Այս մասին Tert.am-ի հետ զրույցում ասաց ՀԱՊԿ գլխավոր քարտուղարի ժամանակավոր պաշտոնակատար Վալերի Սեմերիկովը՝ խոսելով այն մասին, թե ում նախաձեռնությամբ է հետաձգվել դեկտեմբերի 6-ին նախատեսված նիստը:
«Ես լիազորված չեմ մեկնաբանելու ՀԱՊԿ անդամ պետությունների ղեկավարների որոշումը: Դա եղել է ՀԱՊԿ անդամ երկրների նախագահների որոշումը: Դա նախագահների լիազորությունն է»,- ասաց Վ. Սեմերիկովը:
Հարցին՝ ո՞վ է եղել նիստը հետաձգելու նախաձեռնողը, նա կրկնեց, որ որոշումը կայացնում են ՀԱՊԿ անդամ-երկրները: «Ես չունեմ տեղեկություն»,- նշեց նա:
Նշենք, որ ավելի վաղ վարչապետի պաշտոնակատար Նիկոլ Փաշինյանը հայտարարել էր, որ ՀԱՊԿ անդամ պետությունների ղեկավարների գագաթնաժողովը չեղարկելու առաջարկ է արել ՌԴ նախագահ Վլադիմիր Պուտինը: Իսկ ՌԴ նախագահի օգնական Յուրի Ուշակովը նշել էր, որ ՀԱՊԿ գագաթնաժողովը չեղարկվել է՝ հաշվի առնելով Հայաստանի խնդրանքը:
