18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
ՀԱՊԿ գագաթնաժողովը չեղարկվել է՝ հաշվի առնելով Հայաստանի խնդրանքը. Ուշակով
Քաղաքականություն
04.12.2018 | 17:42
Հավաքական անվտանգության պայմանագրի կազմակերպության (ՀԱՊԿ) անդամ երկրների առաջնորդների՝ դեկտեմբերի 6-ին նախանշված գագաթնաժողովը չեղարկվել է՝ հաշվի առնելով ընտրություններին պատրաստվող Հայաստանի համապատասխան խնդրանքը: ՏԱՍՍ-ի փոխանցմամբ՝ այս մասին հայտարարել է ՌԴ նախագահի օգնական Յուրի Ուշակովը:
«Հաշվի առնելով, մասնավորապես, հայկական կողմի խնդրանքը, որը, վկայակոչելով նախընտրական քարոզարշավը, որը կավարտվի դեկտեմբերի 9-ի ընտրություններով, որոշեցինք դեկտեմբերի 6-ին ՀԱՊԿ գագաթնաժողով չանցկացնել»,- նշել է Ուշակովը:
Կրեմլի ներկայացուցչի խոսքով՝ այդպիսով ՀԱՊԿգլխավոր քարտուղարի պարտականությունները կշարունակի կատարել Վալերի Սեմերիկովը:
Խոսելով նոր գլխավոր քարտուղարի թեկնածության մասին՝ նա նշել է, որ «մի քանի տարբերակ կա»: Յուրի Ուշակովը նաև հայտարարել է, որ մինչև տարեվերջ ՀԱՊԿ նոր գագաթնաժողով հազիվ թե տեղի ունենա:
Նշենք, որ ավելի վաղ վարչապետի պաշտոնակատար Նիկոլ Փաշինյանը հայտարարել էր, որ ՀԱՊԿ անդամ պետությունների ղեկավարների գագաթնաժողովը չեղարկելու առաջարկ է արել ՌԴ նախագահ Վլադիմիր Պուտինը:
