20.08.2026 | 19:14
Ձեր պաշտոնավարման ընթացքում ունեցել ենք դժվարին ժամանակներ, և ՀՀ-ն զգացել է Կանադայի աջակցությունը. նախագահը՝ դեսպանին
Փաշինյանի նպատակն է` Տիգրանաշենը տանք, պրծնենք, «Ֆեստիվառ»-ներ անենք. Արթուր Խաչատրյան․ ՏԵՍԱՆՅՈՒԹ
Քաղաքականություն
20.08.2026 | 17:19
«Նիկոլ Փաշինյանի հայտարարությունները ևս մեկ անգամ վկայում են, որ ինքը հայ ազգի շահերի հետ որևէ առնչություն չունի և սպասարկում է թուրք-ադրբեջանական շահերը»,- Ազգային ժողովում լրագրողների հետ ճեպազրույցում հայտարարեց «Հայաստան» խմբակցության պատգամավոր Արթուր Խաչատրյանը՝ արձագանքելով Տիգրանաշենի վերաբերյալ վարչապետի հայտարարություններին:
Պատգամավորը մտահոգիչ համարեց Փաշինյանի դիրքորոշումը Տիգրանաշենի հարցում՝ ընդգծելով գյուղի ռազմավարական նշանակությունը։
«Տիգրանաշենը Հայաստանի համար ունի կենսական նշանակություն: Եթե ադրբեջանցիները գան և Տիգրանաշենում ռազմական հենակետ դնեն Հայաստանի մեջտեղում՝ դեպի հարավ և հյուսիս տանող մայրուղու վրա, ի՞նչ է լինելու մեր երկրի հետ: Տիգրանաշենը ՀՀ վարչատարածքային բաժանման մասին օրենքով Արարատի մարզի մաս է: Երկու տարուց ավել է անցել Տավուշում տարածքներ զիջելուց, Ադրբեջանը քանի՞ միլիմետր հող է վերադարձրել Ջերմուկից, Սև լճից, Իշխանասարից կամ Շուռնուխից: 2020-ից ի վեր անընդհատ միակողմանի տալիս ենք ու ոչինչ չենք ստանում»,- ասաց Խաչատրյանը:
Արթուր Խաչատրյանի գնահատմամբ՝ իշխանության գործելաոճը սին պատրանքների վրա է հիմնված։
«Եթե Նիկոլ Փաշինյանի միակ նպատակն է՝ տանք, պրծնենք, Ադրբեջանի հետ հարցերը լուծենք, իրենց բարեհոգության վրա հույս դնենք, մենք էլ այստեղ «Ֆեստիվառ»-ներ կազմակերպենք։ Աշխարհում չկա մի դեպք, երբ դիմացինիդ բարեգթությունը երաշխավորի քո խաղաղությունը: Խաղաղությունը պահպանվում է ազգային շահն առաջ մղելով»,- ընդգծեց ընդդիմադիր պատգամավորը։
Մանրամասները՝ տեսանյութում։
Նարեկ Կիրակոսյան
