19.08.2026 | 18:29
Խմբակցության նիստ ունեինք, հետ վերադարձանք. «Ուժեղ Հայաստան» խմբակցության քարտուղար․ ՏԵՍԱՆՅՈՒԹ
Ռուս-վրացական սահմանը 24 ժամում ավելի քան 20,000 մարդ է հատել․ Վերին Լարսում մեծ խցանում է
Քաղաքականություն
19.08.2026 | 16:33
Ռուս-վրացական սահմանը 24 ժամվա ընթացքում ավելի քան 20,000 մարդ է հատել, հայտնել է Դաշնային մաքսային ծառայությունը, փոխանցում է Meduza-ն։
Ծառայությունը հայտարարել է, որ «նման դինամիկա» նկատվել է մի քանի օր շարունակ։ Օգոստոսի 15-ին և 16-ին Վերին Լարսի սահմանային անցակետն ամեն օր հատել է ավելի քան 19,000 մարդ։
«Ընթացիկ թվերը զգալիորեն գերազանցում են նախորդ տարիների նույն ժամանակահատվածների ցուցանիշները»,- հավելել է գերատեսչությունը։
«Осторожно, новости» տելեգրամյան ալիքն էլ հայտնում է, որ ականատեսների նշել են սահմանի ռուսական կողմում մեծ խցանման մասին։ Մարդիկ յուրաքանչյուր երկու ժամը մեկ մոտավորապես 100 մետր են կարողանում անցնել։
Օգոստոսի 13-ին Վրաստանն ու Ռուսաստանը մի քանի ժամով փակել էին իրենց ցամաքային սահմանը՝ գետի վարարման պատճառով։
Վերին Լարսը ռուս-վրացական սահմանի միակ ցամաքային սահմանային անցակետն է։ 2022 թվականի սեպտեմբերի վերջին Վերին Լարսը դարձավ Ռուսաստանի ամենածանրաբեռնված սահմանային անցակետը, երբ հայտարարված զորահավաքի պատճառով հազարավոր ռուսաստանցիներ լքեցին երկիրը։ Անցակետում կիլոմետրանոց խցանումներ էին առաջացել, մարդիկ օրեր շարունակ մնացել էին անցակետում կանգնած։
