11.08.2026 | 20:39
Վիկտորյա Այդինյանը վերանշանակվել է Մհեր Գրիգորյանի գրասենյակի ղեկավարի պաշտոնում
Ռուսական «ստվերային նավատորմի» լցանավի վրացի հրամանատարն ԱՄՆ-ում դատապարտվել է 10 ամսվա ազատազրկման
Քաղաքականություն
11.08.2026 | 19:18
ԱՄՆ դաշնային դատարանը ռուսական «ստվերային նավատորմի» Marinera (նախկինում՝ Bella-1) լցանավի հրամանատար Ավթանդիլ Կալանդաձեին դատապարտել է 10 ամսվա ազատազրկման, որին կհաջորդի արտաքսումը՝ ԱՄՆ ափամերձ պահպանության կողմից նավը կանգնեցնելու հրամանը չկատարելու համար։ Այս մասին հայտնել է The Maritime Executive-ը, փոխանցում է The Insider-ը։
Վրաստանի 47-ամյա քաղաքացին հունիսին մեղավոր է ճանաչվել ԱՄՆ ափամերձ պահպանության Munro մոտորանավակի կողմից տրված հրամանը չկատարելու համար։
Կալանդաձեն Bella-1-ը ղեկավարել է 2025 թվականի սեպտեմբերից մինչև դեկտեմբերի վերջը։ Լցանավն ուղևորվում էր դեպի Վենեսուելա, երբ Munro-ն փորձել է կանգնեցնել այն ԱՄՆ ռազմածովային շրջափակման շրջանակում։ Նավը չի ենթարկվել և հեռացել է Ատլանտյան օվկիանոսով, ամերիկյան ափամերձ պահպանությունը հետապնդել է։
Ջրային անցման ընթացքում լցանավը փոխել է անունը Marinera և գրանցվել Ռուսաստանի դրոշի ներքո։ Հունվարի 7-ին ամերիկյան ուժերը նավ են բարձրացել Իսլանդիայի և Բրիտանական կղզիների միջև։ Գործողությունը տեղի է ունեցել ավելի քան երկու շաբաթ տևած հետապնդումից հետո, որին մասնակցել են Առափնյա պահպանությունը և ամերիկյան զինվորականները՝ բրիտանական աջակցությամբ։
Ըստ լրատվամիջոցների հրապարակումների՝ ռուսական ռազմանավերն ու մեկ սուզանավը նույնպես ուղևորվել են այդ տարածք, սակայն ամերիկացիներին հաջողվել է գրավել լցանավը՝ մինչև դրանց ժամանումը։
Միաժամանակ, ամերիկացի դատախազները պնդում են, որ Կալանդաձեի հրամանատարության օրոք Bella-1-ը շուրջ 1,8 միլիոն բարել իրանական նավթ է տեղափոխել Ասիա։ Մեղադրական կողմի պնդմամբ՝ անձնակազմն անջատել է AIS-ը և թաքցրել նավի անունը նավթի մեկ այլ լցանավ տեղափոխելու ժամանակ։
