27.09.2026 | 17:00
ՄՔԾ-ի մի շարք ստորաբաժանումներ և շրջիկ գրասենյակներ այսօր կաշխատեն մինչև 20:00-ն
Ո՞րն է այն իրավական ակտը, որով ՀՀ տարածքը 29,743 քառակուսի կմ է, ո՞ւր կորավ 57 քառակուսի կիլոմետրը. Արթուր Խաչատրյան. ՏԵՍԱՆՅՈՒԹ
Քաղաքականություն
11.08.2026 | 15:11
«Հայաստանի Հանրապետության տարածքը 29,800 քառակուսի կիլոմետր էր։ 29,743-ը, երբ կլորացնում ես, դառնում է 29,700։ Այսօր լեգիտիմ հարց է առաջանում․ ո՞ւր կորավ Հայաստանի Հանրապետության ինքնիշխան տարածքի 57 քառակուսի կիլոմետրը»,- Ազգային ժողովի ամբիոնից հայտարարեց «Հայաստան» խմբակցության պատգամավոր Արթուր Խաչատրյանը։
Անդրադառնալով ՔՊ-ական պատգամավոր Արուսյակ Ջուլհակյանի այն դիտարկմանը, թե գոյություն ունեն քարտեզներ, Խաչատրյանը հակադարձեց, որ քարտեզն ինքնին իրավական փաստաթուղթ չէ:
«Քարտեզը նորմատիվ իրավական ակտ չէ, քարտեզի հիման վրա, այո՛, նորմատիվ իրավական ակտեր մշակվում են, նորմատիվ իրավական ակտերից բխում են քարտեզներ, բայց քարտեզը որպես այդպիսին նորմատիվ իրավական ակտ չէ։ Եվ ուստի լեգիտիմ էր իմ այդ հարցը․ երբ հանկարծ 29,800 քառակուսի կիլոմետրը դարձավ 29,743։ Ո՞րն է այդ իրավական ակտը, լավ, չիմանա՞նք, ե՞րբ է ընդունվել»,- ասաց Խաչատրյանը։
Մանրամասները՝ տեսանյութում։
Անի Թամրազյան
