27.09.2026 | 17:27
Համաշխարհային օլիմպիադա. Շախմատի Հայաստանի հավաքականների վերջնական դիրքերը
Եվրոպայի մի շարք խոշոր գետերում ուժեղից մինչև ծայրահեղ սակավաջրություն է դիտվում
Քաղաքականություն
08.08.2026 | 17:22
Copernicus-ի European Drought Observatory (EDO) համակարգի Low-Flow Index քարտեզի համաձայն՝ հուլիսի երրորդ տասնօրյակում եվրոպական գետային ցանցի բազմաթիվ հատվածներում դիտվել է ուժեղից մինչև ծայրահեղ սակավաջրություն։ Այս մասին գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։
«Low-Flow Index-ը հիդրոլոգիական երաշտի ցուցանիշ է․ այն գնահատում է, թե գետերի ջրի հոսքը որքանով է ցածր տվյալ ժամանակահատվածի համար բնորոշ մակարդակից։ Այսինքն՝ սա առաջին հերթին գետային հոսքի սակավաջրության, այլ ոչ թե պարզապես տեղումների պակասի ցուցանիշ է։
Քարտեզի գունային սանդղակը ցույց է տալիս. սպիտակ՝ երաշտ չկա, դեղին՝ թույլ սակավաջրություն, նարնջագույն՝ չափավոր, կարմիր՝ ուժեղ, մուգ կարմիր՝ ծայրահեղ սակավաջրություն։
Առավել արտահայտված սակավաջրության օջախներ են նկատվում Կենտրոնական և Արևմտյան Եվրոպայում։ Խնդիրն ընդգրկում է խոշոր գետային համակարգերը՝ Հռենոսը, Դանուբը, Պոն և Լուարը, ինչպես նաև Ալպերի և Կարպատների հիդրոգրաֆիական ցանցի մեծ մասը»,- գրել է նա։
