27.09.2026 | 15:06
Հայազգի տիեզերագնաց Հարություն Կիվիրյանը կուղևորվի Միջազգային տիեզերակայան
«Ռեալն» ու ՊՍԺ-ն թանկարժեք տրանսֆերներ են իրականացրել. ՏԵՍԱՆՅՈՒԹ
07.08.2026 | 10:05
Գերմանական «Լայպցիգի» ու Կոտ դ’Իվուարի հավաքականի հարձակվող Յան Դիոմանդեն կարիերան կշարունակի Մադրիդի «Ռեալում», հաղորդում է ակումբի մամուլի ծառայությունը:
19-ամյա ֆուտբոլիստի պայմանագիրը նախատեսված է մինչև 2033թ․ հունիսի 30-ը:
Ինսայդեր Ֆաբրիցիո Ռոմանոյի տվյալներով, տրանսֆերի արժեքը կազմել է 125 միլիոն եվրո։ «Լայպցիգը» կարող է ստանալ նաև 15 միլիոն եվրո բոնուս։
Նախորդ մրցաշրջանում Դիոմանդեն մասնակցել է 36 հանդիպման, դարձել 13 գոլի ու 10 գոլային փոխանցման հեղինակ։
Չեմպիոնների լիգայի գավաթակիր ՊՍԺ-ն պաշտոնապես հայտարարել է Ֆրանսիայի հավաքականի և «Մոնակոյի» կիսապաշտպան Մագնես Ակլիուշի տեղափոխության մասին:
24-ամյա ֆուտբոլիստը Ֆրանսիայի չեմպիոնի հետ պայմանագիրը է կնքել մինչև 2031թ․ հունիսի 30-ը։ ՊՍԺ-ում Ակլիուշը հանդես կգա 11 համարի մարզաշապիկով։
L’Équipe-ի համաձայն՝ փարիզյան ակումբը 50 միլիոն եվրո է վճարել տրանսֆերի համար:
Մագնես Ակլիուշը «Մոնակոյի» սան է, գլխավոր թիմում անցկացրել է 139 հանդիպում ու դարձել 23 գոլի հեղինակ: Նա մասնակցել էր նաև ԱՄՆ-ում, Կանադայում և Մեքսիկայում կայացած ԱԱ-2026-ի մեկ հանդիպման:
