Ադրբեջանը պատրաստ է գազ մատակարարել Ուկրաինային․ կողմերը ռազմավարական գործընկերության ամրապնդման հարցեր են քննարկել

Լուրեր

22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
Բոլորը

Ադրբեջանի արտաքին գործերի նախարար Ջեյհուն Բայրամովը հայտարարել է, որ Բաքուն պատրաստ է, անհրաժեշտության դեպքում, բնական գազ մատակարարել Ուկրաինային և դիտարկում է ուկրաինական ստորգետնյա գազապահեստարանների օգտագործման հնարավորությունը՝ տարածաշրջանային էներգետիկ անվտանգությունն ամրապնդելու համար։ Ադրբեջանական լրատվամիջոցների հաղորդմամբ՝ Բայրամովն այս հայտարարությունն արել է Կիևում Ուկրաինայի արտաքին գործերի նախարար Անդրեյ Սիբիհայի հետ համատեղ մամուլի ասուլիսում։

Նրա խոսքով՝ Ադրբեջանի պետական ​​նավթային ընկերությունը՝ SOCAR-ը, վաղուց արդեն ներկա է ուկրաինական շուկայում, շարունակում է ակտիվորեն գործել երկրում և ունի էներգետիկ համագործակցության հետագա զարգացման հավակնոտ ծրագրեր։

«Ներկայում Ադրբեջանի և Ուկրաինայի միջև էներգետիկ համագործակցության փոխշահավետ լրացուցիչ ոլորտների վերաբերյալ շատ դինամիկ և ակտիվ երկխոսություն է ընթանում»,- նշել է նախարարը։

Բայրամովն ընդգծել է, որ Ադրբեջանը ռազմավարական դեր է խաղում Եվրոպայի էներգետիկ անվտանգության ապահովման գործում։ Մասնավորապես, երկիրը գազ է մատակարարում 12 եվրոպական երկրների, որոնցից 10-ը ԵՄ անդամ են։

«Այս տեսանկյունից մենք պատրաստ կլինենք գազ մատակարարել  բարեկամ Ուկրաինային, եթե անհրաժեշտություն առաջանա»,- հայտարարել է նա։

Բայրամովը նաև նշել է, որ Ուկրաինայի ստորգետնյա գազապահեստարանների օգտագործումը լայն տարածաշրջանում էներգետիկ անվտանգությունն ամրապնդելու համար կարող է լինել համագործակցության խոստումնալից ոլորտ․ «Մենք սա դիտարկում ենք որպես ապագա համագործակցության շատ խոստումնալից ոլորտ»։

Անդրեյ Սիբիհան, իր հերթին, հայտարարել է, որ Ադրբեջանի և Ուկրաինայի միջև առևտրաշրջանառությունը հասել է 600 միլիոն դոլարի, և Կիևը շահագրգռված է վերականգնել փոխադարձ առևտուրը՝ հասցնելով ռուս-ուկրաինական պատերազմից առաջ գրանցված մակարդակներին։

«Մենք մեր առջև նպատակ ենք դրել վերադառնալ նախապատերազմյան մակարդակին առևտրաշրջանառության առումով։ Այժմ մենք հասել ենք շուրջ 600 միլիոն դոլարի»,- ասել է նախարարը։

Դիվանագետները նաև համաձայնել են տնտեսական համագործակցության երկկողմ միջկառավարական հանձնաժողովի հաջորդ նիստն անցկացնել Ուկրաինայում։ Սիբիհան նշել է, որ Ուկրաինան կարևորում է ադրբեջանական ընկերությունների ներդրումները և հույս ունի ընդլայնել նրանց ներկայությունն ու իրականացնել նոր համատեղ նախագծեր։ Վիճակագրության համաձայն՝ երկու երկրների միջև առևտրաշրջանառությունը 2021 թվականին կազմել է 922,4 միլիոն դոլար։

Սիբիհան հայտնել է, որ հինգշաբթի Կիևում Ադրբեջանի արտգործնախարար Ջեյհուն Բայրամովի հետ բանակցությունների ժամանակ երկու կողմերը քննարկել են նաև Հարավային Կովկասում և Մերձավոր Արևելքում տարածաշրջանային անվտանգությունը, ինչպես նաև Ուկրաինայում խաղաղության հասնելու ջանքերը։

Բայրամովը առանձին X-ի իր միկրոբլոգում հայտնել է, որ հանդիպման ընթացքում արդյունավետ քննարկումներ են տեղի ունեցել ադրբեջանա-ուկրաինական ռազմավարական գործընկերության հետագա ամրապնդման և քաղաքական, տնտեսական, էներգետիկ, տրանսպորտային և հումանիտար ոլորտներում համագործակցության ընդլայնման վերաբերյալ։

Թարգմանությունը՝ Էմմա Չոբանյանի