27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
160 կմ՝ 55 ժամում. լեհ մարզիկը լողալով հատել է Բալթիկ ծովը. ՏԵՍԱՆՅՈՒԹ
04.08.2026 | 11:34
Լեհ լողորդ Բարտոլոմեյ Կուբկովսկին դարձել է առաջին մարդը, ով լողալով հատել է Բալթիկ ծովը: Նա մեկնարկել է Շվեդիայից ու հասել Լեհաստանի Դզիվնուվ քաղաք, հաղորդում է Eurosport-ը:
Կուբկովսկին 55 ժամում առանց քնի և հանգստի լողացել է շուրջ 160 կմ։ Լեհ լողորդը 5-րդ փորձից է հաջողել սահմանել ռեկորդը: 2022-ին նա կարողացել էր հաղթահարել 115 կմ, 2023-ին՝ 116,8 կմ, 2024-ին՝ 71,6, իսկ 2025-ին՝ 159:
Բարտոլոմեյ Կուբկովսկու լողալու ընթացքում հավաքվել է շուրջ 160 հազար եվրո: Ամբողջ գումարը կտրամադրվի քաղցկեղի դեմ պայքարի հիմնադրամին:
Բարտոլոմեյ Կուբկովսկին շուրջ 15 տարի զբաղվում է լողով: Նա 24-ժամյա լողի համաշխարհային ռեկորդակիր է և Լեհաստանի ու աշխարհի առաջնությունների բազմակի մրցանակակիր։
