04.08.2026 | 18:06
Ուկրաինայի ԱԳ նախարարը շնորհավորել է Արարատ Միրզոյանին Հայաստանի պաշտոնում վերանշանակվելու կապակցությամբ
Սև ծովում թուրքական նավի վրա ԱԹՍ-ի հարվածից 3 մարդ է վիրավորվել
Քաղաքականություն
04.08.2026 | 12:52
Թուրքիայի ծովային իշխանությունները հայտնել են, որ երկուշաբթի Սև ծովում թուրքական սեփականության Ro-Ro բեռնատար նավի վրա անօդաչու թռչող սարքի հարձակման հետևանքով անձնակազմի երեք անդամ ծանր վիրավորվել է, գրում է Daily Sabah-ը։
ՌԴ Նովոռոսիյսկից դեպի թուրքական Սամսուն նավահանգիստ ուղևորվող թուրքական պատկանելիության «ՆԱԴԵԺԴԱ» բեռնատար նավը հարձակման է ենթարկվել Նովոռոսիյսկից շուրջ 20 ծովային մղոն (37 կիլոմետր) հեռավորության վրա, ասվում է Թուրքիայի ծովային գործերի գլխավոր վարչության հայտարարության մեջ։
Նավը տեղափոխում էր անձնակազմի 22 անդամի, այդ թվում՝ Թուրքիայի 13 քաղաքացու։ Նախնական գնահատականները ցույց են տվել, որ այն վնասվել է նավախցիկների և քթամասի հատվածում, հրդեհ է բռնկվել։
Ծովային գործերի գլխավոր վարչությունը հայտնել է, որ Նովոռոսիյսկում գտնվող Ռուսաստանի ծովային փրկարարական համակարգման կենտրոնի (MRCC) հետ համակարգված աշխատանքից հետո անձնակազմի բոլոր անդամներն անվտանգ տարհանվել են ռուսական նավահանգիստ։
Գերատեսչությունը հավելել է, որ նավի վրա հրդեհը դեռևս շարունակվում է, սակայն փրկարարական գործողություններ հնարավոր չէ իրականացնել՝ տվյալ շրջանում անօդաչու թռչող սարքերի հարձակումների շարունակվող վտանգի պատճառով։
Ուկրաինայի դեմ Ռուսաստանի պատերազմը, որը շարունակվում է արդեն ավելի քան երեք տարի, լրջորեն վտանգել է Սև ծովում ծովային անվտանգությունը։ Թուրքիայի տարածքում մի քանի անգամ ընկել են ռուսական կամ ուկրաինական ծագման անօդաչու թռչող սարքեր։ Աճող սպառնալիքներին ի պատասխան՝ Թուրքիան, Ռումինիան և Բուլղարիան ստեղծել են ծովային անվտանգության նախաձեռնություն, որի հիմնական նպատակն է մաքրել Սև ծովում թափառող ծովային ականները:
Թարգմանությունը՝ Էմմա Չոբանյանի
