03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Կառավարությունը ձևավորվեց․ ով է մնում, ով՝ հեռանում. ՏԵՍԱՆՅՈՒԹ
Քաղաքականություն
03.08.2026 | 19:52
Նախագահ Վահագն Խաչատուրյանը, վարչապետ Նիկոլ Փաշինյանի առաջարկությամբ, Մհեր Գրիգորյանին և Տիգրան Խաչատրյանին վերանշանակել է փոխվարչապետների պաշտոնում։ Հրամանագրերը ստորագրվել են այսօր՝ օգոստոսի 3-ին։
Հիշեցնենք՝ Մհեր Գրիգորյանն այս պաշտոնում նշանակվել էր 2018 թվականին, իսկ Տիգրան Խաչատրյանը՝ 2022-ին։
ԲՏԱ նախարարի պաշտոնում Մխիթար Հայրապետյանին կփոխարինի Դավիթ Թադևոսյանը, որը մինչ այս զբաղեցնում էր «Միջազգային ռադիոցանց» ՓԲԸ տնօրենի ժամանակավոր պաշտոնակատարի պաշտոնը։ Ավելի վաղ Փաշինյանը հայտնել էր, որ Մխիթար Հայրապետյանը քննարկումների արդյունքում չի ցանկացել շարունակել գործունեությունը Կառավարության կազմում։
Մյուս նախարարները պահպանել են իրենց պաշտոնները։ Մասնավորապես, Նախագահի հրամանագրերով՝ Դավիթ Խուդաթյանը նշանակվել է տարածքային կառավարման և ենթակառուցվածքների, Սուրեն Պապիկյանը՝ պաշտպանության, Համբարձում Մաթևոսյանը՝ շրջակա միջավայրի, Արփինե Սարգսյանը՝ ներքին գործերի նախարար, Ժաննա Անդրեասյանը՝ կրթության, գիտության, մշակույթի և սպորտի, Արարատ Միրզոյանը՝ արտաքին գործերի, Սրբուհի Գալյանը՝ արդարադատության, Անահիտ Ավանեսյանը՝ առողջապահության, Արսեն Թորոսյանը՝ աշխատանքի և սոցիալական հարցերի, Գևորգ Պապոյանը՝ էկոնոմիկայի, Վահե Հովհաննիսյանը՝ ֆինանսների նախարար։
Մանրամասները՝ տեսանյութում։
Եվգենյա Համբարձումյան
