06.10.2026 | 11:27
Ռուսական զորքերը հարվածել են Զապորոժիեում Դնեպր գետի վրայով անցնող կամուրջներից մեկին․ 5 մարդ տուժել է
Ամերիկացի գիտնական Նասիմ Թալեբը հայտարարել է,որ հրաժարվել է Ադրբեջան հրավերից՝ Ռուբեն Վարդանյանի բանտարկության պատճառով
Քաղաքականություն
03.08.2026 | 10:25
Լիբանանյան ծագումով ամերիկացի հայտնի հեղինակ, գիտնական, փիլիսոփա և ռիսկերի վերլուծաբան Նասիմ Թալեբը հայտնել է, որ հրաժարվել է գնալ Ադրբեջան ու ոտք չի դնի այդ երկիր, քանի դեռ Արցախի նախկին պետնախարար Ռուբեն Վարդանյանն այնտեղ բանտարկված է։
«Ինձ հրավիրել են գնալ Ադրբեջան՝ դասախոսության։ Ես հրաժարվել եմ (նրանք զգալիորեն բարձրացրեցին իրենց առաջարկը՝ չհասկանալով իմ էթիկան, մտածելով, որ դա տարբերություն կստեղծի)։ Ես ոտք չեմ դնի Ադրբեջան, քանի դեռ Ռուբեն Վարդանյանը բանտարկված է այնտեղ»,- գրել է նա X-ի իր միկրոբլոգում։
Թալեբը նաև կիսվել է գրառմամբ, որ Ադրբեջանի առաջին տիկին ու փոխնախագահ Մեհրիբան Ալիևան մեջբերել է իրեն ու ընդգծել. «Այն փաստը, որ որոշակի կառավարությանը դուր է գալիս իմ աշխատանքը, չի ստիպում ինձ փոխադարձաբար պատասխանել։ Ես անշարժ գույք վաճառող չեմ»։
Հավելենք, որ Թալեբը Հայաստան էր այցելել 2023 թվականի դեկտեմբերի 1-2-ը ու մասնակցել «Գիտության և գործարարության օրեր 2023» համաժողովին։
Թարգմանությունը՝ Էմմա Չոբանյանի
