30.07.2026 | 23:02
Wildberries-ը իրականացրել է տուժած վաճառողներին աջակցող վճարումների երկրորդ փուլը. հայտարարություն
Wildberries-ի ներկայացուցիչները վստահեցնում են՝ տուժած վաճառողների փոխհատուցման մեխանիզմները շուտով պատրաստ կլինեն
Տնտեսություն
30.07.2026 | 21:13
ՀՀ էկոնոմիկայի նախարարությունում «Wildberries» առևտրային հարթակի ներկայացուցիչների հետ հանդիպման ընթացքում քննարկվել է այն վաճառողների փոխհատուցման հարցը, որոնց ապրանքները վնասվել են ընկերության լոգիստիկ ենթակառուցվածքի հետ կապված վերջին միջադեպերի հետևանքով։ Ընկերությունից հայտնել են, որ վնասների հաշվարկն արդեն սկսվել է, իսկ փոխհատուցման և աջակցության մեխանիզմները գտնվում են ավարտական փուլում։
Էկոնոմիկայի նախարարության փոխանցմամբ՝ հանդիպման ընթացքում կողմերը քննարկել են Հայաստանում էլեկտրոնային առևտրի զարգացման, ձեռնարկատերերի աջակցության, ընթացակարգերի դյուրացման, ինչպես նաև համագործակցության հետագա ուղղություններին առնչվող հարցեր։
««Wildberries»-ի ներկայացուցիչները կարևորել են Հայաստանի դերը՝ տարածաշրջանում էլեկտրոնային առևտրի զարգացման հեռանկարի տեսանկյունից։
Հանդիպման ընթացքում հատուկ քննարկման առարկա են դարձել այն վաճառողների հարցերը, որոնց ապրանքները տուժել են «Wildberries»-ի լոգիստիկ ենթակառուցվածքի հետ կապված վերջին իրադարձությունների հետևանքով։
«Wildberries»-ի ներկայացուցիչները հայտնել են, որ ընկերությունն արդեն սկսել է իրականացնել հաշվարկներ, իսկ փոխհատուցման և աջակցության մեխանիզմներն ու մոտեցումներն ավարտական փուլում են։
Գործընթացի վերաբերյալ կտրվի լրացուցիչ տեղեկություն»,- ասվում է հաղորդագրությունում։
