«Հրաժարվում եմ աշխարհիկ կյանքից և ցանկանում դառնալ ճգնավոր»․ տնից հեռացած 14-ամյա Վահեին գտել են․ ՏԵՍԱՆՅՈՒԹ

Լուրեր

17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
17.11.2026 | 16:52
Սկսվել է «Տիգրան ջան, սիրուն չի» օպերացիա. Գևորգ Ստեփանյան․ ՏԵՍԱՆՅՈՒԹ
Բոլորը

Մեկուկես օր տևած որոնումներից հետո 14-ամյա Վահե Ապիկյանը գտնվել է։

«Ժամը 14։45-ի սահմաններում ոստիկաններն ու քաղաքացիները Գառնիում հայտնաբերել են որպես անհետ կորած որոնվող, 2012թ. ծնված Վահե Ապիկյանին։ Նրա կյանքին վտանգ չի սպառնում»,- նշվում է ՆԳՆ հաղորդագրության մեջ։

«Հրաժարվում եմ աշխարհիկ կյանքից և ցանկանում դառնալ ճգնավոր». երեկ առավոտյան այսպիսի բովանդակությամբ նամակ էին գտել Վահե Ապիկյանի ծնողները։  14-ամյա տղան տնից հեռացել էր՝ վերցնելով միայն դպիրի եկեղեցական հագուստը։

«Առավոտյան արթնացել ենք, արդեն տանը չի եղել, գրությունը տանն էր թողել։ Նամակն էր մենակ, ուրիշ ոչ մեկին ոչ մի բան չի ասել, հաստատ ոչ ոք չի իմացել, չի էլ կասկածել: Իր հետ խոսել եմ երկու օր առաջ, այսինքն՝ դեպքից մի օր առաջ նորմալ է եղել, ոչ մի բան, բայց, փաստորեն, պլանավորել էր ինչ-որ մի բան աներ ու արել է էլի»,- Factor TV-ի հետ զրույցում առավոտյան պատմել էր հայրը՝ Տիգրան Ապիկյանը:

Երևանում ապրող ընտանիքը որոնողական աշխատանքներ էր կատարում Գողթում. հոր խոսքով՝ տեսախցիկները նրան ֆիքսել էին Գառնիի քարերի սիմֆոնիայի տարածքում:

«Ինքը, երևի, ուզեցել է գալ, այստեղ երկու հատ սրբավայր կա, տենց ենք կասկածում, հեռախոսի մեջ էլ էր որոնում արել։ Մեր առաքելական եկեղեցին է գնացել միշտ, ինչ-որ աղանդ, նման բաների հետ ընդհանրապես կապ չկա: Ընտանիքում ամեն ինչ նորմալ է, ոչ մի խնդիր չի եղել, ամեն ինչով կիսվում  էր, ամեն ինչ ասում»,- ասում է հայրը։

Վահե Ապիկյանը որպես դպիր մասնակցել է Երևանի Նոր Նորք վարչական շրջանի Սուրբ Սարգիս եկեղեցում մատուցվող պատարագներին։

Հոր խոսքով՝ մինչ այս երբեք ցանկություն չի հայտնել ճգնավոր դառնալու․ «Ինքը սովորաբար եկեղեցի պատարագների էր գնում, բեմի վրա ծառայում էր, սովորական: Դա բոլորիս համար նորմալ էր: Ասում էր՝ հոգևորական եմ ուզում, ասում էինք՝ հա, նորմալ է: Բայց ճեմարան, որ սենց ինչ-որ գնա կորի, չկար»:

Ճգնավորության մասին խոսք չի եղել նաև Սուրբ Սարգիս եկեղեցու հոգևորականների հետ առանձին զրույցների ժամանակ։ Factor TV-ի հետ զրույցում Տեր Նորայր ավագ քահանա Բաղդասարյանն ասաց, որ 14-ամյա տղային վերջին անգամ տեսել է անցած կիրակի իր մատուցած պատարագի ժամանակ։

Տեր Նորայրի խոսքով՝ Վահե Ապիկյանը համեստ, զուսպ, մի փոքր էլ ինքնամփոփ տղա է։ Հոգևորականը շեշտում է՝ այդ տարիքի երեխաների հետ հոգևոր դասեր են անցկացնում միայն առակների ձևով։

«Երբևէ խոսք չի գնացել ճգնավորության մասին, որովհետև նրանք այն տարիքում չեն, որ նման լուրջ թեմաներ քննարկենք»,- Factor TV-ի հետ զրույցում ասաց հոգևորականը՝ նշելով, որ երեխայի՝ տնից հեռանալուց և նամակը հայտնաբերելուց հետո մայրն առաջինը հենց իրեն է զանգել, ինքն էլ խորհուրդ է տվել դիմել Ոստիկանություն։

Մանրամասները՝ տեսանյութում։

Ռոզա Վարդանյան