16.09.2026 | 09:30
Համաշխարհային օլիմպիադա. Շախմատի Հայաստանի թիմերի առաջին մրցակիցները և կազմերը
Թուրքիայում անտառային հրդեհները շարունակվում են. ՏԵՍԱՆՅՈՒԹ
Քաղաքականություն
30.07.2026 | 19:28
Թուրքիայում հրշեջները շարունակում են պայքարել անտառային հրդեհների դեմ մի շարք շրջաններում, այդ թվում՝ Անթալիայի միջերկրածովյան զբոսաշրջային նահանգում և Չանաքքալեի հյուսիսարևմտյան նահանգում, գրում է Turkish Minute-ը։
Գյուղատնտեսության և անտառտնտեսության նախարար Իբրահիմ Յումաքլին հայտնել է, որ երկրում բռնկվել է 115 հրդեհ, որոնցից 110-ը վերահսկողության տակ են վերցվել։ Նա ասել է, որ հրդեհներից 69-ը բռնկվել են անտառապատ տարածքներից դուրս։
Անտառտնտեսության գլխավոր վարչությունը հայտնել է, որ անձնակազմերն ինտենսիվ գործողություններ են իրականացնում օդից և ցամաքից։
Յումաքլին ավելի ուշ հայտարարել է, որ Մուղլայում, Անթալիայի Քաշ շրջանում, Բալիքեսիրում և Չանաքքալեում խոշոր հրդեհները «մեծ մասամբ վերահսկողության տակ են»։ Նա հրդեհներից տուժած տարածքի գնահատական չի տվել։
Թուրքիայի նախագահ Ռեջեփ Թայիփ Էրդողանը չորեքշաբթի հայտարարել էր, որ այդ օրը Թուրքիայում 90 հրդեհի օջախ կա։
Թարգմանությունը՝ Էմմա Չոբանյանի
