16.07.2026 | 13:53
Ուկրաինայի Ռադան Սերգեյ Կորեցկիին հաստատել է վարչապետի պաշտոնում
Քննչական կոմիտեի փոխնախագահը հանդիպել է մահացած զինծառայողի հարազատներին
Հասարակություն
03.12.2018 | 20:48
Հայաստանի Հանրապետության Քննչական կոմիտեի նախագահի տեղակալ, Զինվորական քննչական գլխավոր վարչության պետ Արտակ Կրկյաշարյանը և ԶՔԳՎ պետի տեղակալ Արման Ասլանյանն այսօր ընդունել են 2018 թվականի սեպտեմբերի 26-ին մահացած Աղասի Մկրտչյանի հարազատներին և փաստաբանին:
Հանդիպման ընթացքում քննարկվել են Ա.Մկրտչյանի մահվան փաստի առթիվ հարուցված քրեական գործով իրականացված նախնական քննության արդյունքները:
Պարզաբանումներ են ներկայացվել քրեական գործի ընթացքի վերաբերյալ, տրվել են տուժող կողմին հուզող մի շարք հարցերի պատասխաններ:
Քննչական կոմիտեի նախագահի տեղակալ Արտակ Կրկյաշարյանը վստահեցրել է, որ յուրաքանչյուր զինծառայողի մահվան փաստի առթիվ հարուցված քրեական գործով կատարվում է մանրակրկիտ քննություն՝ դեպքի իրական հանգամանքները պարզելու ուղղությամբ:
