28.07.2026 | 17:26
«Չելսին» 6:4 հաշվով հաղթել է Խաբի Ալոնսոյի նորամուտի խաղում. ՏԵՍԱՆՅՈՒԹ
Երևանում ձերբակալվել է առանձնապես խոշոր չափերով խարդախության համար հետախուզվողը
Հասարակություն
28.07.2026 | 15:51
Քրեական ոստիկանները հուլիսի 27-ին Դավիթ Անհաղթի փողոցում ձերբակալել են 32-ամյա տղամարդու, որը 2023 թվականի հունիսից հետախուզվում էր առանձնապես խոշոր չափերով խարդախության մեղադրանքով։
«Քրեական ոստիկանության գլխավոր վարչության ծառայողները հետախուզվողի վերաբերյալ ստացած տվյալներն իրացրին Քրեական ոստիկանության Երևան քաղաքի վարչության անձի հետախուզման բաժնի ծառայողների հետ։
Հուլիսի 27-ի կեսօրին մայրաքաղաքի Դավիթ Անհաղթի փողոցում քրեական ոստիկանները ձերբակալեցին Պապ թագավորի փողոցի բնակիչ 32-ամյա տղամարդուն։ 2023 թվականի հունիսից նա հետախուզվում էր առանձնապես խոշոր չափերով խարդախության մեղադրանքով։
Տղամարդը ներկայացվել է նախաքննական մարմին»,- ասված է ՆԳՆ-ի տարածած հաղորդագրությունում։
