Քաղաքականություն
23.07.2026 | 17:46
ԱՄՆ նախագահ Դոնալդ Թրամփը հայտարարել է, որ Միացյալ Նահանգները պատասխանատվության կենթարկի Իրանին հութիների կողմից Հորմուզի նեղուցում ցանկացած ապագա հարձակման համար՝ զգուշացնելով «լուրջ ռազմական պատժի» մասին, եթե խումբը կրկին թիրախավորի նավերը։
Թրամփի նախազգուշացումը հնչում է այն բանից հետո, երբ Եմենի հութիները ստանձնեցին Կարմիր ծովում երկու սաուդյան նավթային լցանավերի վրա հարձակման պատասխանատվությունը՝ սաուդյան նավերը թիրախավորող ռազմածովային շրջափակման մասին հայտարարությունից մի քանի օր անց։
«Եթե նրանք կրկին դա անեն, ԱՄՆ-ն Իրանին պատասխանատվության կենթարկի այն առումով, որ հութիները Իրանի պրոքսիներն են։ Ե՛վ Իրանի և՛ հութիների նկատմամբ կկիրառվեն լուրջ ռազմական պատիժներ»,- մասնավորապես, գրել է Թրամփը Truth Social-ի գրառման մեջ։
Հաղորդված հարձակումների պատճառով նավթի համաշխարհային գները բարձրացել են՝ գերազանցելով մեկ բարելի համար 98 դոլարի շեմը։
Թարգմանությունը՝ Էմմա Չոբանյանի
