27.09.2026 | 21:42
Եղիշե Մելիքյանը և Նաիր Թիկնիզյանը՝ Չեռնոգորիայի հավաքականի դեմ խաղի մասին. ՏԵՍԱՆՅՈՒԹ
Սյունիքում գայլերի հարձակումներն ու Վայոց ձորում արջերի ակտիվությունը՝ ՇՄՆ-ի քննարկման առանցքում
22.07.2026 | 20:52
Շրջակա միջավայրի նախարարին կից հասարակական խորհրդի հերթական նիստում քննարկվել են COP17 համաժողովի նախապատրաստական աշխատանքները, ինչպես նաև վերջին շրջանում Սյունիքում և Վայոց ձորում արձանագրված մարդ–վայրի բնություն կոնֆլիկտի դեպքերը։
Կայացել է շրջակա միջավայրի նախարարին կից ձևավորված հասարակական խորհրդի հերթական նիստը:
Նիստի ընթացքում նախարար Համբարձում Մաթևոսյանը խորհրդի անդամներին ներկայացրել է COP17 համաժողովի նախապատրաստական աշխատանքների ընթացքը, Հայաստանի՝ որպես նախագահող երկրի առաջնահերթությունները և այն հիմնական ուղղությունները, որոնց շուրջ շարունակվում են կազմակերպչական և բովանդակային աշխատանքները։
Օրակարգի հաջորդ հարցով անդրադարձ է կատարվել նաև մարդ–վայրի բնություն կոնֆլիկտի թեմային, վերջին շրջանում գրանցված դեպքերին, մասնավորապես՝ Սյունիքում գայլերի հարձակմանը և Վայոց ձորի մարզում արջերի՝ բնակավայրերին մոտենալու դեպքերին, քննարկվել են հնարավոր լուծումները։
Հասարակական խորհրդի անդամները բարձրացրել են ոլորտին վերաբերող մի շարք կարևոր հարցեր, ներկայացրել առաջարկություններ և դիտարկումներ, որոնց շուրջ ծավալվել է կառուցողական հարցուպատասխան։
Նախարարը շնորհակալություն է հայտնել հասարակական խորհրդի անդամներին ակտիվ ներգրավվածության և արդյունավետ համագործակցության համար։
