22.07.2026 | 20:44
Թրամփը սպառնում է «կամուրջ կամ էլեկտրակայան քանդել»՝ Հորմուզի նեղուցում Իրանի կողմից յուրաքանչյուր նավի հարվածելու դիմաց
Ռուբիոն հայտարարել է, որ Իրանը «լուրջ չի վերաբերվում բանակցություններին»
Քաղաքականություն
22.07.2026 | 17:17
ԱՄՆ պետքարտուղար Մարկո Ռուբիոն Մանիլայում (Ֆիլիպիններ) Հարավարևելյան Ասիայի երկրների ասոցիացիայի (ԱՍԵԱՆ) արտաքին գործերի նախարարների հանդիպման ժամանակ իր բացման խոսքում ասել է, որ Իրանը «լուրջ չի վերաբերվում բանակցություններին», գրում է CNN-ը։
«ԱՄՆ-ը միշտ հանձնառու է դիվանագիտությանը։ Մենք բաց մտքով ենք և միշտ պատրաստ ենք ներգրավվել, բանակցել և կարգավորել տարաձայնությունները»,- ասել է նա։
Ռուբիոյի պնդմամբ՝ Իրանի հետ խնդիրն այն է, որ «նրանք լուրջ չեն վերաբերվում բանակցություններին»։
«Եթե նրանք լուրջ են, մենք էլ լուրջ ենք։ Եթե ոչ, ապա մենք կանենք այն, ինչ անհրաժեշտ է մեր շահերը, ինչպես նաև մեր դաշնակիցների շահերը պաշտպանելու համար»,- նշել է նա։
Ռուբիոն զգուշացրել է «վտանգավոր նախադեպ» ստեղծելու մասին՝ թույլ տալով Իրանին վերահսկել Հորմուզի նեղուցը, և որ նրանք որևէ իրավական մեխանիզմով «իրավունք չունեն վերահսկելու միջազգային ջրային ճանապարհով երթևեկությունը»։
ԱՄՆ պաշտոնյան ասել է, որ «նավարկության ազատության հիմնարար սկզբունքը» վտանգված է։
«Եթե դա վտանգված է, ապա կարծում եմ՝ վտանգված են նաև համաշխարհային տնտեսությունն ու այն կանոնները, որոնք հիմք են հանդիսացել 150 տարվա միջազգային առևտրի համար»,- նշել է նա։
Հորմուզի նեղուցը լիովին բաց էր ազատ և անվտանգ անցման համար՝ նախքան ԱՄՆ-ի և Իսրայելի կողմից Իրանի վրա փետրվարին հարձակումը։ Իրանը ջրային ուղու վերահսկողությունը համարում է բանակցություններում իր ամենաարժեքավոր լծակը և վերջին շաբաթներին բազմիցս կրակ է բացել այն նավերի վրա, որոնք, ըստ նրա, չեն կապվել իրանական իշխանությունների հետ տարանցումից առաջ։
Թարգմանությունը՝ Էմմա Չոբանյանի
