22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
Ադրբեջանի հատուկ նշանակության ուժերը Հորդանանում զորավարժությունների են մասնակցում
Քաղաքականություն
20.07.2026 | 20:53
Ադրբեջանի բանակի հատուկ նշանակության ուժերի զինծառայողները մասնակցում են Հորդանանում անցկացվող Զուլֆիգար համատեղ հակաահաբեկչական և հատուկ գործողությունների զորավարժություններին։ Ադրբեջանի ՊՆ-ն հայտնում է, որ զորավարժություններին, որոնք ռազմական համագործակցության և վարժանքների ծրագրերի մաս են կազմում, մասնակցում են Հորդանանի զինված ուժերի՝ Աբդուլլահ II թագավորի հատուկ նշանակության ուժերի հրամանատարության անձնակազմը, ինչպես նաև Թուրքիայի և Պակիստանի հատուկ նշանակության ուժերի ստորաբաժանումները։
Համատեղ զորավարժության սցենարի համաձայն, որը ներառում է անօդաչու թռչող սարքերի, ռազմական տեխնիկայի և համակարգերի օգտագործում, մասնակիցները կկատարեն մի շարք մարտավարական առաջադրանքներ՝ մոդելավորելով օպերացիաների կատարման տարբեր պայմաններ։
Զորավարժության ընթացքում զինծառայողները կմշակեն մարտական գործողություններ բնակեցված տարածքներում, պատանդների ազատագրում, հակաահաբեկչական գործողություններ, կանցկացնեն մարտական կրակոցների վարժանքներ։
Զորավարժության հիմնական նպատակն է բարելավել հատուկ նշանակության ուժերի ստորաբաժանումների մարտական պատրաստվածությունը, ամրապնդել մասնակիցների միջև համագործակցությունը և հատուկ գործողությունների իրականացնելու հարցում փորձի փոխանակում իրականացնել։
Թարգմանությունը՝ Էմմա Չոբանյանի
