17.05.2024 | 22:30
ԱՀԿ-ն հայտնել է բակտերիաների հանդեպ հակաբիոտիկների կայունության ուժեղացման մասին
Արցախում ուժայիններն ուզում են հաստատել զինվորական խունտա. «Ժամանակ»
01.12.2018 | 10:00
«Ժամանակ» թերթը գրում է. «Արցախում ներիշխանական ճեղքումը գնալով ավելի ակնհայտ է դառնում: Մի կողմում ուժային կառույցների ներկայացուցիչներն են՝ ԱԱԽ քարտուղար Վիտալի Բալասանյանը և ԱԱԾ նախկին, բայց փաստացի ղեկավար Արշավիր Ղարամյանը և նրանց կողմնակիցները, իսկ մյուս կողմում՝ Արցախի Հանրապետության նախկին վարչապետ, ներկայումս նախագահ Բակո Սահակյանի խորհրդականի պաշտոնը զբաղեցնող Արայիկ Հարությունյանը, ով Արցախի ամենամեծ քաղաքական ուժի` «Ազատ հայրենիք» կուսակցության նախագահն է: 2020թ. գարնանը Բակո Սահակյանը այլևս չի լինելու ԱՀ նախագահ, և երկու կողմերը այժմվանից են պատրաստվում նախագահական ընտրապայքարին:
Արայիկ Հարությունյանը իր նախորդ գործողություններով և երեկվա հայտարարությամբ ցույց է տվեց, որ հանդիսանում է վարչապետ Նիկոլ Փաշինյանի ու Արցախում ժողովրդավարական բարեփոխումների գծի կողմնակիցը, մինչդեռ ուժայինները, ընդհակառակը, փորձում են հակադրվել Հայաստանի իշխանությանը, հակադրվելով Փաշինյանին՝ հասկացնում են, որ Արցախը տանելու են բռնապետության և զինվորական խունտայի հաստատման ճանապարհով»:
Առավել մանրամասն՝ թերթի այսօրվա համարում:
