12.10.2026 | 13:08
ԱՄՆ-ը սպառնում է արգելափակել Ուկրաինային զենքի մատակարարումը՝ ռուսական նավթավերամշակման գործարաններին հարվածների պատճառով․ FT
Գյուղացին միսը չի կարողանում իրացնել, որովհետև Հնդկաստանից շատ էժան միս է ներմուծվում ՀՀ, հետո էլ խոսում են գյուղատնտեսությունը զարգացնելու վեհ գաղափարների մասին․ Էդմոն Մարուքյան․ ՏԵՍԱՆՅՈՒԹ
Քաղաքականություն
30.11.2018 | 14:03
«Լուսավոր Հայաստան» կուսակցության նախագահ Էդմոն Մարուքյանը վստահեցնում է, թեև վերջին շրջանում քաղաքական ուժերի պատգամավորների թեկնածուները տարրբեր հաղորդումների ժամանակ խոսում են ներառական տնտեսության, տեխնոլոգիական գյուղատնտեսության զարգացման մասին, սակայն համոզված է՝ խոսացողներից շատերը չգիտեն՝ դա ինչպես պետք է իրականություն դարձնել։
«21-րդ դարում մենք ծառն ունենք, բայց չենք կարողանում ջրել, ջրի խնդիր կա, սակայն հեռուստացույցով խոսում են ներառական տնտեսության մասին, կամ ինչպե՞ս հասկանանք, որ 21-րդ դարում գյուղացին դեռ աղոթում է, որ կարկուտ չգա»,-ասաց Մարուքյանը՝ Թալիշում քարոզարշավի ժամանակ բարձրաձայնելով մի շարք այլ խնդիրներ ևս․
«Մեր գյուղացին իր գյուղատնտեսական արտադրանքը՝ օրինակ միսը, չի կարողանում իրացնել, ինչո՞ւ, որովհետև Հնդկաստանից շատ էժան միս է ներմուծվում Հայաստան․ ՀՀ-ում ամենաշատ միսը իրացնում են այն ընկերությունները, որոնք արտադրանք են տալիս, իսկ դրա համար ընդունում են շատ էժան ներմուծված հնդկական և բելառուսական միսը։ Ստացվում է՝ գյուղացուն չենք օգնում, որ իր արտադրանքը վաճառի, բայց ասում ենք՝ աղոթի, որ կարկուտ չգա, կամ խոսում ենք ներառական տնտեսության զարգացման և վեհ գաղափարների մասին»,-ասաց նա։
Ըստ Մարուքյանի՝ ՀՀ-ում շատ մեծ քանակի կաթի փոշի է ներմուծվում, որի մեծ մասը գնում է արտադրամասեր և այն կանթնամթերքը, որը մենք ուտում ենք տոտալ պատրաստված է կաթի փոշուց։
«Հիմա կարո՞ղ է պետությունը միջոցեր ձեռք առնել, որ գյուղատնտեսությունը զարգանա, չէ՞ որ գյուղատնտեսության զարգացումը տեքստ չէ, դա գործողությունների և քայլերի հաջորդականություն է,-ասաց Մարուքյանը՝ շեշտելով, որ իրենց քաղաքական թիմը գալիս է նաև այս խնդիրները լուծելու համար։
Մանրամասները՝ տեսանյութում։
