Նիկոլ Փաշինյանը դատի է տվել Էդմոն Մարուքյանին. պահանջում է ներողություն խնդրել

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Վարչապետ Նիկոլ Փաշինյանը դատական հայց է ներկայացրել «Լուսավոր Հայաստան» կուսակցության ղեկավար Էդմոն Մարուքյանի դեմ՝ պահանջելով հրապարակայնորեն ներողություն խնդրել իրենից։

Մասնավորապես, Մարուքյանի դեմ հայցի հիմք է հանդիսացել նրա ֆեյսբուքյան էջում տեղադրված 02:43 տևողությամբ տեսանյութը, որը վերնագրված է «Նվիրվում է ընտրակեղծարար Նիկոլին և Վահագին»։ Տեսանյութում ԼՀԿ ղեկավարը ներկայացրել է մի քանի ընտրատեղամասի արդյունքներ, որտեղ իր ուժը ձայներ է ստացել, սակայն ԿԸՀ կայքում մուտքագրվել է 0 ձայն։ Factor TV-ն ներկայացնում է տեսանյութի մի հատվածի սղագրությունը՝ առանց խմբագրման։

«Ի՞նչ է արել Նիկոլը։ ԿԸՀ կայքում մուտքագրել է 0 ձայն։ Ինչո՞ւ եմ ասում Նիկոլը, որովհետև համակարգը իշխանությանն է պատկանում։ Հիմա հարց՝ ինչո՞ւ է Նիկոլը սենց կեղծել մեր տվյալները։ Ես հո չեմ պնդում, որ մենք անցողիկ ուժ ենք, անցել ենք, բայց ինքը կեղծել է… Փաստ՝ այս 0 ձայն մուտքագրելը քրեորեն հետապնդելի արարք է, արձանագրություն է կեղծվել։ Արձանագրություն է կեղծվել։ Ով կդատվի, ով ինչ կլինի՝ այն չի, բան չի։ Հարցը հետևյալն է՝ մեզ շատ-շատ ավելի մարդ է ձայն տվել, քան այն, ինչ որ մեր անվան դիմաց գրված է։ Հիմա սրանք բացահայտվում են, այդ թվերը կարող է ավելանան, կարող է չավելանան, էականը այն է, որ այս համակարգը դարձել է նաև ընտրակեղծարար»։

Քանի որ «Datalex» դատական-տեղեկատվական համակարգում ներկայացված հայցադիմումը կիսատ է տեղադրված, չի երևում՝ տեսանյութում հնչեցված որ արտահայտությունների համար է Փաշինյանը պահանջում ներողություն խնդրել, պարզ չէ նաև՝ վարչապետը փոխհատուցման պահանջի ներկայացրե՞լ է, թե ոչ։

Գործը դատարան է ուղարկվել հուլիսի 9-ին և մակագրվել Քաղաքացիական դատարանի դատավոր Աննա Շիլաջյանին։

Ռոզա Վարդանյան