09.07.2026 | 14:22
Էդ պրանկերները թող մի հատ էլ Կտրիճ Ներսիսյանի անունից զանգեն խոսան այդ պաշտոնյաների հետ. Փաշինյան․ ՏԵՍԱՆՅՈՒԹ
Արեգնազ Մանուկյանին կալանավորելու միջնորդություն է ներկայացվել
Հասարակություն
09.07.2026 | 12:22
«Մայր Հայաստան» կուսակցության անդամ, ԲՀԿ ընտրական ցուցակով պատգամավորի թեկնածու Արեգնազ Մանուկյանի նկատմամբ խափանման միջոց կալանքի միջնորդություն է ներկայացվել դատարան։
Ավելի վաղ Քննչական կոմիտեից Factor TV-ի հետ զրույցում նշել էր, որ քրեական վարույթի շրջանակում Մանուկյանի նկատմամբ հարուցվել է հանրային քրեական հետապնդում՝ Քրեական օրենսգրքի 427-րդ հոդվածի 1-ին մասով (պետական գաղտնիք պարունակող տեղեկություններ հրապարակելը): «Նա ձերբակալվել է՝ դատարան ներկայացնելու համար»,- հայտնել էր ՔԿ մամուլի քարտուղար Կիմա Ավդալյանը։
Հիշեցնենք՝ հունիսի 12-ին Քննչական կոմիտեն քաղաքական գործչի բնակարանում խուզարկություն էր իրականացրել, ինչից հետո Մանուկյանը հրավիրվել էր ՔԿ, սակայն որևէ մեղադրանք չէր ներկայացվել։ Ավելի ուշ հայտնի էր դարձել, որ քննչական գործողությունները կատարվել էին պետական դավաճանության և լրտեսության հոդվածներով քրեական վարույթի շրջանակներում, որն առնչվում է ԲՀԿ ցուցակի երկրորդ համար Անդրանիկ Թևանյանին։
Ռոզա Վարդանյան
