30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Ուկրաինայում ռուսական ավիահարվածից ադրբեջանցի ուսանողուհի է մահացել. պատերազմից ի վեր ավելի քան 130 ադրբեջանցի է զոհվել
Քաղաքականություն
30.06.2026 | 22:34
Հունիսի 29-ին Ուկրաինայում ռուսական ավիահարվածի հետևանքով ադրբեջանցի ուսանողուհի է զոհվել։ Ֆաթիմա Հուսեյնովան մեկնել էր Խարկով՝ դիպլոմ ստանալու և շրջանավարտների արարողությանը մասնակցելու համար, գրում են ադրբեջանական լրատվամիջոցները։
Խարկովի ազգային բժշկական համալսարանի տեղեկատվության համաձայն՝ 23-ամյա Ֆաթիմա Հուսեյնովան Ադրբեջանից ժամանել էր Խարկով՝ հունիսի 30-ին նախատեսված շրջանավարտների արարողությանը մասնակցելու համար։ Նշվում է, որ Հուսեյնովան Ադրբեջանից Խարկով էր գնացել վեց տարի առաջ՝ բժշկական կրթություն ստանալու։ Ռուսաստանի կողմից Ուկրաինայի լայնածավալ ներխուժումից հետո, նա, ինչպես մյուս օտարերկրյա ուսանողները, վերադարձել է իր երկիր և կրթությունը շարունակել հեռավար։
2022 թվականի փետրվարին Ռուսաստանի կողմից Ուկրաինայում ռազմական միջամտությունից հետո հրապարակված հաղորդագրությունների համաձայն՝ զոհվել է ադրբեջանական ծագում ունեցող առնվազն 135 մարդ, 70-ն անհետ կորած է համարվում։
Թարգմանությունը՝ Էմմա Չոբանյանի
