29.06.2026 | 17:37
Դիմումները կարդալիս տպավորություն է, թե ՀՀ ընտրազանգվածը զոմբի է․ ՍԴ դատավոր․ ՏԵՍԱՆՅՈՒԹ
Հայ ընտրողները վերահաստատեցին իրենց աջակցությունը ռուսական հարկադրանքը նվազեցնելուն ու Եվրոպայի հետ կապերը խորացնելուն․ Գերմանիայի ԱԳ նախարար
Քաղաքականություն
29.06.2026 | 13:28
«Մոլդովա, Ուկրաինա, Հունգարիա, Հայաստան: Ինչպես աշխարհի շատ այլ երկրներ, այս պետությունները նույնպես լուրջ թիրախ են դարձել ռուսական քարոզչական արշավների, որոնք ուղղված են նրանց հասարակությունները պառակտելուն և ժողովրդավարական ինստիտուտները խաթարելուն: Այնուամենայնիվ, նրանցից յուրաքանչյուրը վերջերս յուրովի է հակադարձել Ռուսաստանի ազդեցության արշավներին՝ ոչ միայն իրենց, այլև ամբողջ Եվրոպային ավելի ուժեղ դարձնելով»։ Այս մասին հայտարարել է Գերմանիայի ԱԳ նախարար Յոհան Վադեֆուլը սոցցանցերում գրառմամբ։
Նա նշել է, որ վերջերս Եվրամիությունը բացել է անդամակցության բանակցությունների առաջին կլաստերը Մոլդովայի և Ուկրաինայի հետ, միաժամանակ, հավելել՝ «սա չի նշանակում, որ երկրներից որևէ մեկը մեկ գիշերվա ընթացքում կդառնա ԵՄ անդամ, այն վերահաստատում է երկու կողմերի նվիրվածությունը այդ նպատակին և տրամադրում է հստակ ճանապարհային քարտեզ այն բարեփոխումների համար, որոնք, ի վերջո, կամրապնդեն Եվրոպան որպես ամբողջություն»։
Գերմանիայի ԱԳ նախարարն առանձին անդրադարձել է նաև Հայաստանում հունիսի 7-ին կայացած խորհրդարանական ընտրություններին ու դրանց արդյունքներին։
«Դիմակայունության մեկ այլ ոգեշնչման աղբյուր է գալիս Հայաստանից։ Հայ ընտրողները վերջերս վերահաստատեցին իրենց աջակցությունը երկրի եվրոպամետ կառավարությանը՝ ազդարարելով ռուսական ազդեցությունն ու հարկադրանքը նվազեցնելու և Եվրոպայի հետ կապերը խորացնելու շարունակական ցանկությունը։ Սոցիալական ցանցերում հաճախ կարող է թվալ, թե ռուսական ազդեցությունն ամենուր է։ Սակայն իրական աշխարհը պատմում է այլ պատմություն։ Մարդիկ անընդհատ տեսնում են Կրեմլի՝ բաժանելու և տիրելու փորձերը, փոխարենը ընտրում են համագործակցության, ազատության և ժողովրդավարության վրա կառուցված ապագա։ Եվրոպան շարունակում է ամրապնդվել՝ մոտիկ և հեռու գործընկերների հետ»,- նշել է գերմանացի պաշտոնյան։
Թարգմանությունը՝ Էմմա Չոբանյանի
