06.11.2026 | 12:07
Մեսրոպ Մանուկյանի ճեպազրույցը. ՈՒՂԻՂ
Կենտրոնում եք կանգառասրահներ դնում, մյուս վարչական շրջանների բնակիչներն ինչո՞վ են մեղավոր. Սարգսյան․ ՏԵՍԱՆՅՈՒԹ
Տնտեսություն
23.06.2026 | 13:30
Դավթաշենի վերջին հատվածի և Զովունու բնակիչներից բողոք եմ ստացել տրանսպորտի հետ կապված, որ 35, 36 և շարունակելի փողոցներում տրանսպորտ չի երթևեկում։ Այս մասին ավագանու նիստի ժամանակ ասաց «Մայր Հայաստան» խմբակցություն Արշակ Սարգսյանը։
«Այդ լուծումը ինչպե՞ս եք տեսնում, այդ մարդիկ չեն կարողանում Երևանի տրանսպորտից օգտվել։ Դրանից զատ, տեսե՛ք, պարոն Ավինյան, ասում եք՝ «գազելներ» չունենք, էլեկտրական են, այսինքն՝ ամբողջ համակարգը փոխել եք, բայց մի հատ կարո՞ղ եք ներկայացնել՝ այդ «խելացի» կանգառասրահներից քանիսն եք տեղադրել»,- հետաքրքրվեց Սարգսյանը։
Հարցին արձագանքեց փոխքաղաքապետ Սուրեն Գրիգորյանը։ Նա նշեց, որ կանգառասրահների մասով ծավալները իրենց էլ չեն բավարարում, սակայն Տիգրան Ավինյանի կողմից համապատասխան հանձնարարականները տրվել են, որ առաջիկայում էլ ավելի մեծ ծավալով կանգառասրահներ տեղադրվեն։
«50-ից ավել նոր տեսակի կանգառասրահներ Երևան քաղաքում արդեն տեղադրել ենք և, այո՛, ոչ միայն Կենտրոն վարչական շրջանում։ Զովունու մասով՝ կուսումնասիրենք, իհարկե»,-ասաց նա։
Մանրամասները՝ տեսանյութում։
