05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Թրամփը հայտարարել է, որ Իրանի կողմից միջուկային զենքի ստեղծման կանխումը «գերազանցում է» տնտեսական ճգնաժամի ռիսկը
Քաղաքականություն
23.06.2026 | 12:04
ԱՄՆ նախագահ Դոնալդ Թրամփը երկուշաբթի հայտարարել է, որ Իրանի կողմից միջուկային զենքի ձեռքբերումը կանխելը գերակշռում է երկարատև ռազմական գործողությունների հնարավոր տնտեսական հետևանքների, այդ թվում՝ համաշխարհային ճգնաժամի ռիսկի վերաբերյալ մտահոգություններին, գրում է CNN-ը։
Հարցին՝ արդյո՞ք պատրաստ է համաշխարհային ճգնաժամի ռիսկի դիմել՝ Իրանին հարվածելով, եթե Թեհրանը չկատարի համաձայնագիրը, Թրամփը պատասխանել է. «Դե՝ ոչ այնպես, ինչպես ես եմ անում։ Դա ճգնաժամ չի առաջացնի»։
Նա շարունակել է պնդել, որ միջուկային զենքի սպառնալիքն ավելի մեծ մտահոգություն է առաջացնում։
«Եթե նրանք չհետևեն դրան, ապա միջուկային զենքը կգերազանցի դեպրեսիան։ Դեպրեսիան իսկապես վատ է»,- ասել Թրամփը՝ հավելելով, որ «միջուկային զենքը շատ ավելի արագ կհանգեցնի դեպրեսիայի»։
Թրամփը կրկին նշել է, որ ռազմական գործողությունների հարցը մնում է սեղանին, եթե Իրանը չհետևի համաձայնագրին։
«Եթե Իրանը չկատարի համաձայնագիրը կամ եթե նրանք լավ չվարվեն, ես կանեմ այն, ինչ պետք է անեմ»,- հայտարարել է նա։
Ավելի վաղ ԱՄՆ փոխնախագահ Ջեյ Դի Վենսը դրական էր գնահատել կիրակի ԱՄՆ-ի և Իրանի միջև Շվեյցարիայում անցկացված բանակցությունները՝ այն անվանելով «շատ, շատ լավ օր»։
Թարգմանությունը՝ Էմմա Չոբանյանի
