Քաղաքականություն
28.11.2018 | 13:17«Լուսավոր Հայաստան» կուսակցության պատգամավորի թեկնածու Արման Բաբաջանյանի համոզմամբ՝ արտահերթ խորհրդարանական ընտրությունները բեկումնային են լինելու, և յուրաքանչյուրիս համար դեկտեմբերի 9-ի ընտրությամբ ոչ թե իշխանության հարցն է լուծվելու, այլ նրա հետ խորհրդարան մտնող մյուս ուժերի հարցը։
«Մենք չենք վիճարկում հեղափոխության ուժի հաղթանակը։ Մենք ասում ենք, իսկ ովքե՞ր պետք է լինեն այն մյուս ուժերը, որոնք հեղափոխական ուժի հետ պետք է մտնեն խորհրդարան․ նրանք, ովքեր գալիս են ռևանշիստական նպատակներով, նրանք, ովքեր մեր երկրի թալանն անողներն են, նրանք, ովքեր երկրի արտաքին վարկը գցողներն ու կապիտալի, փողի շուրջ ձևավորված տարատեսակ խմբավորումնե՞րն են, որոնք հասցրել են լինել և՛ ընդդիմության, և՛ իշխանության մեջ։ Մենք ասում ենք, որ անցյալը պետք է այլևս մնա անցյալում, մեռելները պետք թաղվեն գերեզմաններում և չպետք է տեղ ունենան վաղվա Հայաստանում։ Մենք ասում ենք եղիցի լույս և ձեզ առաջարկում ենք գալ լուսավորի հետևից»,- ասաց Արման Բաբաջանյանը։
Մանրամասները՝ տեսանյութում։
