Ադրբեջանից հայտարարել են՝ «Հայաստանը պետք է պայմաններ ստեղծի արևմտյան ադրբեջանցիների վերադարձի համար»

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

«Հայաստանը պետք է պայմաններ ստեղծի արևմտյան ադրբեջանցիների անվտանգ վերադարձի համար»։ Նախիջևանում անցկացված «Վերադարձ դեպի Արևմտյան Ադրբեջան» 3-րդ կոնգրես-փառատոնի շրջանակում լրագրողների հետ զրույցում այս մասին հայտարարել է, այսպես կոչված, «Արևմտյան Ադրբեջանի համայնք» կազմակերպության նախագահ Ազիզ Ալեքբերլին։

Նա նշել է, որ Նախիջևանն «ականատես է եղել արևմտյան ադրբեջանցիների ապրած ողբերգություններին, և այս առումով նման միջոցառումների անցկացումն առանձնահատուկ կարևորություն ունի»։ Ըստ Ալեքբերլիի՝ «արևմտյան ադրբեջանցիների վերադարձը», իբր, «իրենց հայրենի հողեր համապատասխանում է մարդու հիմնարար իրավունքներին և միջազգային իրավունքին, և տարածաշրջանում ձևավորված նոր իրողությունները վկայում են արևմտյան ադրբեջանցիների՝ իրենց հայրենի հողեր վերադարձի անխուսափելիության մասին»։

Ալեքբերլին հավելել է, թե Հայաստանը, իբր, «պետք է ընդունի այս իրականությունը և պայմաններ ստեղծի արժանապատիվ և խաղաղ վերադարձի համար»։

Նշենք, որ Նախիջևանի Օրդուբադ քաղաքում անցկացվող հակահայկական քարոզչական «Վերադարձ դեպի Արևմտյան Ադրբեջան» 3-րդ փառատոն-կոնգրեսին մասնակցում են նաև Ադրբեջանի խորհրդարանի պատգամավորներ, ինչը ևս մեկ անգամ փաստում է, որ Բաքուն պետական մակարդակով տորպեդահարում է ՀՀ-ի հետ խաղաղության գործընթացն ու կեղծ և անհիմն պահանջներ առաջ քաշում։

Ադրբեջանի Միլլի Մեջլիսի փոխխոսնակ Զիյաֆաթ Ասկերովը հայտարարել է, թե, իբր, «արևմտյան ադրբեջանցիների վերադարձի հարցը Հայաստանի նկատմամբ տարածքային պահանջ չէ»։

«Մենք միայն ցանկանում ենք վերադառնալ մեր հայրենի հողեր խաղաղությամբ, միջազգային իրավունքին համապատասխան, և ապրել այնտեղ անվտանգ և արժանապատվորեն։ Արևմտյան Ադրբեջանի համայնքի գլխավոր նպատակն է՝ միջազգային հանրությանը հասցնել Արևմտյան Ադրբեջանի մասին ճշմարտությունը, պաշտպանել այդ հողերից տեղահանված մեր հայրենակիցների իրավունքները և ապահովել նրանց խաղաղ վերադարձը հայրենիք։ Համայնքի ղեկավարությունն ակտիվորեն աշխատում է այս նպատակի ուղղությամբ միջազգային ֆորումներում, այդ թվում՝ ՄԱԿ-ում։ Յուրաքանչյուր արևմտյան ադրբեջանցի իրավունք ունի վերադառնալ իր նախնիների հողեր, և սա նրանց իրավական, պատմական և բարոյական իրավունքն է։ Որովհետև այս հողերը մեր նախնիների տարածքներն են»,- հայտարարել է Ասկերովը։

Թարգմանությունը՝ Էմմա Չոբանյանի