28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ավելի քան 16 հազար վարորդի վարելու իրավունքը կարող է վերականգնվել․ նախագիծն ԱԺ-ում է․ ՏԵՍԱՆՅՈՒԹ
Հասարակություն
16.06.2026 | 16:11
Եթե, օրինակ, դատարանի կողմից կա ակտով վարորդական իրավունքից զրկման դեպքը (այսինքն՝ շատ ավելի լուրջ դեպքերի համար է տեղի ունեցել զրկման իրավիճակը դատական ակտով), այս նախագիծը այդ իրավիճակներին չի վերաբերում։ Այս մասին ԱԺ-ում հայտարարեց ՆԳ նախարար Արփինե Սարգսյանը՝ ներկայացնելով վարորդական իրավունքից զրկված անձանց համար այդ իրավունքի վերականգնման նոր մոդելը:
Վարորդական իրավունքից զրկվելու դեպքում անձը հստակ ժամանակահատվածում չի կարող վարել տրանսպորտային միջոց: Որպես կանոն` այդ ժամանակահատվածը մեկ տարի է, սակայն կան բացառիկ դեպքեր, երբ այն երկու տարի է: Կառավարության առաջարկով այդ ժամկետը լրանալուց հետո նախատեսվում է սահմանել 50 հազար դրամի չափով պետական տուրք, որի վճարման պայմաններում անձի վարորդական իրավունքը կվերականգնվի ինքնաշխատ (ավտոմատ) եղանակով: Վերականգնումից հետո անձին մեկ տարվա կտրվածքով տրվելու են սահմանափակ թվով միավորներ` 6 բալ:
«Մենք իդենտիֆիկացրել ենք նախագծի շահառու հանդիսացող 16,026 վարորդի, որոնք հանդիսանալու են նախագծի շահառու։ Բայց կհասկանանք, թե ովքեր են օգտվելու նաև այս նախագծից, որովհետև պարտադիր չէ, որ բոլոր շահառուները օգտվեն։ Եվ 1,087 անձինք չեն հանդիսանալու ծրագրի շահառու, որովհետև կամ այլ պետությունների կողմից են զրկվել, կամ Հայաստանի Հանրապետության դատարանների կողմից և այսպես շարունակ»,-ասաց նախարարը։
Մանրամասները՝ տեսանյութում։
