03.08.2026 | 22:03
«Հայաստան» դաշինքի պատգամավորի թեկնածուին և շտաբներից մեկի ղեկավարին առնչվող քրեական վարույթի նախաքննությունն ավարտվել է. ՔԿ
ՌԴ-ն պետք է գործարք կնքի․ Թրամփը պատմել է G7-ի շրջանակում Զելենսկիի հետ հանդիպման մասին
Քաղաքականություն
16.06.2026 | 16:03
ԱՄՆ նախագահ Դոնալդ Թրամփը հաստատել է, որ Ֆրանսիայում G7-ի գագաթնաժողովի շրջանակում հանդիպել է Ուկրաինայի նախագահ Վլադիմիր Զելենսկիին և նշել, որ երեքշաբթի կրկին կհանդիպի նրա հետ։ Европейская правда-ի հաղորդմամբ՝ ամերիկացի առաջնորդն այս հայտարարությունն արել է G7-ի գագաթնաժողովի շրջանակում Կատարի էմիրի հետ հանդիպման ժամանակ։
Ավելի վաղ Kyiv Independent-ը հայտնել էր, որ Զելենսկին, Թրամփը և Ֆրանսիայի նախագահ Էմանուել Մակրոնը Ֆրանսիայում G7-ի գագաթնաժողովի շրջանակում եռակողմ հանդիպում են ունեցել։ Հարցին՝ արդյո՞ք Թրամփի մոտ հանդիպում ծրագրված է Զելենսկիի հետ, Սպիտակ տան ղեկավարը պատասխանել է՝ «Ես արդեն այն ունեցել եմ», նաև հավելել, որ «շատ լավ հանդիպում» էր։
«Ռուսաստանը պետք է գործարք կնքի։ Ռուսաստանը կորցրել է հսկայական թվով մարդկանց, ինչպես Ուկրաինան»,- ասել է Թրամփը՝ հավելելով, որ այսօր կրկին հանդիպելու է Զելենսկիին։
«Մեծ յոթնյակի» (G7) գագաթնաժողովի ընթացքում Ուկրաինայի և ԱՄՆ նախագահների միջև հանդիպումների մասին նախապես չէր հաղորդվել։ Մակրոնը կարճատև երկկողմ հանդիպում է ունեցել Զելենսկիի հետ։
Հավելենք, որ Զելենսկին հրապարակել է լուսանկարներ իր և Ուկրաինայի Ազգային անվտանգության խորհրդի ղեկավար Ռուստեմ Ումերովի մասնակցությամբ, որտեղ նրանք զրուցում են Թրամփի և ԱՄՆ պետքարտուղար Մարկո Ռուբիոյի հետ։
«Միշտ կարևոր է համակարգել դիրքորոշումները»,- գրել է Զելենսկին։
Թարգմանությունը՝ Էմմա Չոբանյանի
