16.06.2026 | 15:10
«Արարատցեմենտ»-ը կարող է պետականացվել // «Միասնության թևեր»-ը ՍԴ կդիմի․ ԼՈՒՐԵՐ
«Կեղծիք տարածողը Դո՛ւք եք․ հիվանդանոցը չի կառուցվում»․ Թագուհի Թովմասյանը՝ Անահիտ Ավանեսյանին․ ՏԵՍԱՆՅՈՒԹ
Քաղաքականություն
16.06.2026 | 12:54
2025 թվականի բյուջեի կատարողականի քննարկման ժամանակ առողջապահության նախարար Անահիտ Ավանեսյանին հարց ուղղեց անկախ պատգամավոր Թագուհի Թովմասյանը։ Նրա խոսքով՝ Վարդենիսում բնակիչների հետ հանդիպման ժամանակ նախարարը հայտնել էր, թե համայնքում ԲԿ-ի կառուցման գործընթացն արդեն սկսվել է։
«Ես գիտեմ, որ որևէ տեղ որևէ շինարարական աշխատանք չկա, ես նաև Ձեզանից գրավոր պարզաբանում պահանջեցի, թե որտեղ է կառուցվում։ Ու պարզվեց, որ դեռ փաստաթղթային փուլում է, և կան իրավական որոշակի գործողություններ մինչև շինարարության ընթացքը։ Ես ուզում եմ Դուք Ազգային ժողովի բարձր ամբիոնից վերջնականապես հստակ ասեք ժամկետներ՝ ե՞րբ է կառուցվելու Վարդենիսի հիվանդանոցը, որի մեջ կլինի դիահերձարան»,- նշեց Թովմասյանը։
Ի պատասխան Ավանեսյանը հորդորեց պատգամավորին «բարձր պատգամավորի խոսափողից» կեղծ թեզ չդնել իր բերանը և հետո դրա վերաբերյալ հարց տալ։
«Ես ասել եմ, որ Վարդենիսի բժշկական կենտրոնը վերանորոգվում է, և այն արդեն իսկ ամփոփման շրջանում է։ Ես ասել եմ, որ Վարդենիսի բժշկական նոր կենտրոնի նախագիծը արդեն իսկ հրապարակված է, և Ձեր բազմաթիվ հարցումներին ի պատասխան՝ հանրային տեղադրել ենք, թե ինչ բժշկական կենտրոն ենք կառուցելու»,- ասաց նա։
Թագուհի Թովմասյանը հակադարձեց՝ կեղծիք տարածողն Անահիտ Ավանեսյանն է։
Մանրամասները՝ տեսանյութում։
