28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ադրբեջանը և ԱՄՆ-ն քննարկել են TRIPP նախագծի իրականացման հարցեր
Քաղաքականություն
13.06.2026 | 19:41
Ադրբեջանի արտաքին գործերի նախարար Ջեյհուն Բայրամովը հանդիպում է ունեցել ԱՄՆ Միջազգային զարգացման ֆինանսական կորպորացիայի (DFC) գլխավոր տնօրեն Բեն Բլեքի հետ։
Ադրբեջանի արտաքին գործերի նախարարության փոխանցմամբ՝ հանդիպման ընթացքում կողմերը քննարկել են Ադրբեջանի և ԱՄՆ-ի միջև բազմոլորտ համագործակցության զարգացման հեռանկարները, ինչպես նաև համագործակցության հնարավորությունները էներգետիկայի, տրանսպորտի, տարանցման, բարձր տեխնոլոգիաների և ներդրումների ոլորտներում։
«Կողմերը մտքեր են փոխանակել նաև Ադրբեջանի ռազմավարական դերի վերաբերյալ՝ Եվրոպայի և Կենտրոնական Ասիայի միջև կապերի ամրապնդման համատեքստում։ Նշվել է նավահանգստային և լոգիստիկ ենթակառուցվածքների զարգացումը, էներգետիկ անվտանգության ապահովումը և տարածաշրջանային տրանսպորտային նախագծերի իրականացումը։
Քննարկումների ընթացքում առանձնահատուկ կարևորվել է 2025 թվականին Վաշինգտոնում կայացած գագաթնաժողովը, որը, ըստ կողմերի, նոր հիմքեր է ստեղծել ադրբեջանա-ամերիկյան հարաբերությունների զարգացման համար։ Այդ համատեքստում դրական է գնահատվել ռազմավարական գործընկերության խարտիայի ստորագրումը, որը նախատեսում է համագործակցության խորացում տնտեսության, էներգետիկայի, տրանսպորտի, բարձր տեխնոլոգիաների և անվտանգության ոլորտներում։
Բացի այդ, կողմերը անդրադարձել են նաև տարածաշրջանային տրանսպորտային նախագծերին, այդ թվում՝ TRIPP նախագծին, որը նպատակ ունի ապահովել Ադրբեջանի հիմնական տարածքի և Նախիջևանի Ինքնավար Հանրապետության միջև անխափան հաղորդակցություն», ասվում է ադրբեջանական լրատվամիջոցների տարածած հաղորդագրությունում։
