11.06.2026 | 14:46
Այսօր Ադրբեջանից Հայաստան կուղարկվի դիզելային վառելիքով 17 վագոն
200 դրամ աջակցություն՝ ծիրանի 1 կգի արտահանման համար, 250 դրամ` դեղձի, 400 դրամ` կեռասի. փոխնախարար․ ՏԵՍԱՆՅՈՒԹ
Տնտեսություն
11.06.2026 | 12:45
Կառավարությունը նախատեսում է նոր աջակցման ծրագիր իրականացնել Հայաստանից արտահանվող գյուղատնտեսական և վերամշակված արտադրանքի համար։ Կառավարության նիստում Էկոնոմիկայի նախարարի տեղակալ Արման Խոջոյանը ներկայացրեց որոշման նախագիծ, որով առաջարկվում է խթանել ծիրանի, սալորի, դեղձի, նեկտարինի, կեռասի, հանքային ջրի, գինու և բրենդիի արտահանումը։
Խոջոյանի խոսքով՝ նախագիծը նախորդ շաբաթ հաստատված ծրագրի շարունակությունն է, որով աջակցություն էր նախատեսվել ջերմատնային արտադրանքի՝ թարմ լոլիկի, պղպեղի, ելակի և ծաղկի արտահանման համար։
Նոր միջոցառման նպատակն է նպաստել արտահանման շուկաների դիվերսիֆիկացմանը և մատակարարման նոր շղթաների ձևավորմանը։
Նախագծով նախատեսվում է հունիս ամսվա ընթացքում արտահանում իրականացնող տնտեսվարողներին տրամադրել փոխհատուցում՝ ծիրանի յուրաքանչյուր կիլոգրամի համար 200 դրամ, սալորի, դեղձի և նեկտարինի համար՝ 250 դրամ, կեռասի համար՝ 400 դրամ, շշալցված խաղողի գինու յուրաքանչյուր լիտրի համար՝ 350 դրամ, շշալցված բրենդիի յուրաքանչյուր բացարձակ լիտրի համար՝ 830 դրամ, իսկ հանքային ջրի համար՝ 150 դրամ։
Փոխհատուցում ստանալու համար տնտեսվարողները արտահանումն իրականացնելուց հետո պետք է դիմեն Էկոնոմիկայի նախարարություն և ներկայացնեն անհրաժեշտ փաստաթղթերը։
Մանրամասները` տեսանյութում։
