«Արմատ մեդիա»-ից առգրավված իրերը չեն վերադարձվել, խմբագրության դուռը դեռ  կապարակնքված է․ խմբագիրը պնդում է, որ խախտվում են իրենց իրավունքները

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Չորրորդ օրն է՝ ընդդիմադիր «Արմատ մեդիա» լրատվամիջոցի լրագրողները հնարավորություն չունեն խմբագրությունից կատարելու իրենց աշխատանքը։ Քննչական կոմիտեն հունիսի 5-ին խուզարկել է նրանց գրասենյակը, առգրավել աշխատակիցների հեռախոսներն ու գրասենյակի բոլոր համակարգիչները, կապարակնքել գրասենյակը։

Այս ամենը կատարվել է Ազգային ժողովի ընտրություններից երկու օր առաջ, ինչը, ըստ  խմբագիր Աղավնի Սուքիասյանի՝ խոչընդոտներ է ստեղծել ԶԼՄ-ի համար ընտրությունները լուսաբանելու հարցում։

Սուքիասյանը Factor TV-ի հետ զրույցում նշեց․ ընտրությունների օրն իրենց լրագրողները  ընտրատեղամասերում աշխատել են այլ հեռախոսներով, բացի այդ՝ աշխատել են նաև օպերատորները, բայց ստիպված են եղել նյութերի մոնտաժման համար այլ ծառայությունների դիմել։ Այժմ էլ աշխատակիցները ստիպված են տնից աշխատել ու չգիտեն, թե այս ամենը որքան ժամանակ է շարունակվելու։

«Քննչական կոմիտեից չեն հայտնում, թե այս գործը ինչքան ժամանակ կտևի: Այսինքն՝ մարդիկ չգիտեն մեր տեխնիկան երբ կվերադարձնեն, մենք նոր տեխնիկա գնե՞նք, թե՞ ոչ: Լրագրողը չգիտի իր անձնական հեռախոսը երբ կվերադարձնեն»,- ասաց Աղավնի Սուքիասյանը՝ նշելով, որ այն համակարգիչներում, որոնք առգրավել են, եղել են չհրապարակված նյութեր, ռեպորտաժներ, որոնք պետք է հունիսի 7-ին ընդառաջ հրապարակեին։

Նշենք, որ «Արմատ մեդիա»-ի սեփականատերը  «Ուժեղ Հայաստան» կուսակցությունների դաշինքի պատգամավորի թեկնածու Ալիկ Ալեքսանյանն է, որն ընտրություններից մի քանի օր առաջ  կալանավորվել  է՝ հավաքներին մասնակցելու հարցում նյութապես շահագրգռելու և փողերի լցավման մեղադրանքով։ ԶԼՄ-ում խուզարկությունը կատարվել է հենց այս գործի շրջանակներում։

Աղավնի Սուքիասյանը մեզ հետ զրույցում դիտարկեց, որ Ալիկ Ալեքսանյանը Կոռուպցիայի կանխարգելման հանձնաժողով հայտարարագիր ներկայացնելիս նշել է, որ «Արմատ մեդիա»-ի սեփականատերն է, այսինքն՝ ոչինչ չի թաքցրել։

Գրասենյակում խուզարկության օրը Աղավնի Սուքիասյանը ուղիղ եթերով  դիմել է նաև  Մարդու իրավունքների պաշտպանին՝ հիշեցնելով, որ հինգ ժամ շարունակ ԶԼՄ-ում իրավապահները  խուզարկություն են իրականացնում։  Դրանից հետո Մարդու իրավունքների պաշտպանը հայտարարություն է տարածել, որ գրություններ են ուղարկել տարբեր մարմինների։ Սուքիասյանը, սակայն, տեղյակ չէ, թե արդյոք ՄԻՊ-ի գրություններին պատասխանել են։

«Մեր աշխատանքային իրավունքները ոտնահարված են»,- պնդում է Աղավնի Սուքիասյանը։

Քննչական կոմիտեից Factor․ am-ին հայտնում են, որ խուզարկությամբ հայտնաբերված իրերի հետ կապված կատարվում են վարութային գործողություններ։

 

Արաքս Մամուլյան