19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Դավիթ Շահնազարյանը ՀՀԿ-ի երիտթևից է, նոր է ընդգրկվել ՀՀԿ. Նիկոլ Փաշինյանը հակադարձում է Դավիթ Շահնազարյանի ասածներին. ՏԵՍԱՆՅՈՒԹ
Քաղաքականություն
27.11.2018 | 15:37
Վարչապետի պաշտոնակատար Նիկոլ Փաշինյանն այսօր Ստեփանավանում ունեցած ելույթում անդրադարձավ ՀՀԿ ցուցակի երրորդ հորիզոնականը զբաղեցնող Դավիթ Շահնազարյանի այն հայտարարությանը, որ նոր իշխանությունը եկել է Ղարաբաղը հանձնելու:
«Չեմ ուզում էմոցիոնալ հայտարարություններ անել, որովհետև ՀՀԿ-ն և Դավիթ Շահնազարյանը ոչ մի էմոցիա չեն շարժում, բայց այդ հարցի պատասխանը կստանանք հենվելով փաստերի վրա: Նախ՝ մենք առաջին իշխանությունն ենք, որ ասում է՝ ոչ մի ղեկավար չի կարող լուծել Ղարաբաղի հարցը, որովհետև լուծողը ժողովուրդն է: Եթե խնդրի լուծման որևէ տարբերակ լինի, ապա ես կգամ, կներակայցնեմ ժողովրդին, թող ժողովուրդը որոշի»,- հայտարարեց Փաշինյանը՝ նշելով, որ նոր իշխանությունը ուզենա էլ չի կարող իրականացնել այն, ինչ կա Հանրապետականի մտքերում:
Փաշինյանը նաև հայտարարեց՝ ինքը Հայաստանի առաջին ղեկավարն է, որը հստակ հայտարարել է՝ կարող է հանդես գալ Հայաստանի անունից, բայց չի բանակցի Ղարաբաղի անունից: «Արցախի դիրքորոշումը կարող է ներկայացնել միայն Արցախի իշխանությունը: Արցախի դիրքորոշումը լինելու է վճռական, որոևէ մեկը չի կարող ի հեճուկս Արցախի ժողովրդի կամքի այդ հարցը լուծել»,- համոզմունք հայտնեց վարչապետի պաշտոնակատարը:
Նիկոլ Փաշինյանը նաև տեղեկացրեց, որ վերջերս, երբ գտնվում էր Արցախում, ԼՂՀ ղեկավարության հետ հանդիպման ընթացքում բոլոր մանրամասներով ներկայացրել է իմ դիրքորոշումը բանակցային գործընթացի վերաբերյալ:
Մանրամասները՝ տեսանյութում:
