16.11.2024 | 16:41
Հայաստանի ազգային հավաքականը մեկնել է Lատվիա
Ես կողմնակից եմ, որ այս խորհրդարանը 5 տարի չգործի․ Դանիել Իոաննիսյան․ ՏԵՍԱՆՅՈՒԹ
Քաղաքականություն
27.11.2018 | 13:22
«Իրազեկ քաղաքացիների միավորում» կազմակերպության ծրագրերի համակարգող Դանիել Իոաննիսյանի խոսքով՝ Ընտրական օրենսգրքի փոփոխության հիմնական նպատակներից մեկն այն էր, որ ապահովվի բազմակուսակցական համակարգի զարգացումը, որովհետև հակակշիռը պետք է լինի ընդդիմությունն ու քաղհասարակությունը, իսկ այդ հակակշիռների գործունեության նորմալ աշխատանքի համար պետք էր Սահամանդրության, ԸՕ-ի, կուսակցությունների մասին օրենքի փոփոխություններ։
Այս մասին այսօր հրավիրված քննարկման ժամանակ ասաց Իոաննիսյանը՝ շեշտելով, որ այդ դեպքում այն կուսակցությունները, որոնք ասելիք ունեին, բայց չունեին փող՝ կկարողանային մասնակցել խորհրդարանական ընտրություններին։
«Հիմա չի կարող թաղից ընտրված ռեյտինգային թեկնածու լավ տղան լինել հակակշիռ, և նույնը վերաբերում է մի շարք այլ բաների, այլ կարգավորումների, որոնք պետք է նպաստեին հակակշիռների ձևավորմանը, սակայն չկան»,- ասաց Իոաննիսյանը։
Վերջինս նշեց, որ հաշվի առնելով ինչպես այս, այնպես էլ այլ խնդիրներ, ինքը կողմնակից է, որ այս խորհրդարանը 5 տարի չգործի։
«Այս խորհրդարանը, որն առանց հակակշիռների խորհրդարան է լինելու, պետք է ապահովի ամբողջությամբ ժողովրդավարական մեխանիզմների ներդրումը՝ Սահմանադրության, Կուսակցությունների մասին օրենքի, Ընտրական օրենսգրքի փոփոխությունների տեսքով։ Իմ ասած գործառույթներն իրականացնելու համար պետք կլինի3-4 տարի»,- ասաց«Իրազեկ քաղաքացիների միավորում» կազմակերպության ծրագրերի համակարգողը։
Մանրամասները՝ տեսանյութում։
