15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ձեր քաշի չափ Սասուն Միքայելյանի մարմնում «ասկոլկա» կա, բանակը թալանելու ձեր իրավունքն եք պաշտպանո՞ւմ. ՏԵՍԱՆՅՈՒԹ
Քաղաքականություն
27.11.2018 | 12:16
«Շուշան Պետրոսյանն ու Արմեն Աշոտյանը Արցախյան ազատամարտը որոշել են պաշտպանել Սասուն Միքայելյանից: Ձեր քաշի չափ Սասուն Միքայելյանի մարմնում ասկոլկա կա, դուք էդ ումի՞ց եք պաշտպանում»,- այսօր Սպիտակ քաղաքում կրկին անդրադառնալով երեկ ՔՊ վարչության անդամ, «Սասուն» ջոկատի հրամանատար Սասուն Միքայելյանի այն հայտարարությանը, որ Հայաստանում ապրիլին տեղի ունեցած հեղափոխությունն ավելի կարևոր էր, քան Արցախյան ազատամարտում տարած հաղթանակը:
Սասուն Միքայելյանի այս հայտարարությունը սուր քննադատության էր արժանացել ինչպես Հայաստանում, այնպես էլ Արցախում: Արցախի հերոս Վիտալի Բալասանյանն էր հայտարարությամբ հանդես եկել՝ նշելով, որ «նմանատիպ հայտարարություններն առնվազն կասկածի տակ են դնում նման մարդկանց մասնակցությունը պետականաշինության գործին: Ցավալի է, որ նման հայտարարությունները արվում են ՀՀ զինված ուժերի գերագույն հրամանատարի ներկայությամբ»:
Ավելի ուշ Միքայելյանը պարզաբանել էր, թե իրականում ինչ է ուզեցել ասել, հայտարարությանը երեկվանից անդրադառնում է նաև վարչապետի պաշտոնակատար Փաշինյանը՝ նշելով, որ տվյալ անձինք բանակից խոսելու որևէ բարոյական իրավունք չունեն: «Դուք երկար տարիներ հետևել և ղեկավարել եք բանակի թալանը, հիմա էլ եղունգներով ուզում եք պաշտպանել բանակը թալանելու ձեր իրավո՞ւնքը, թույլ չեմ տալու ձեզ»,- դիմելով հանրապետականներին՝ ասաց Նիկոլ Փաշինյանը:
Մանրամասները՝ տեսանյութում:
