06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
«Հանրապետություն» կուսակցությունը դեռևս որոշում չունի՝ կդիմի վարչական դատարան, թե՝ ոչ. հայտնում են, որ եռօրյա ժամկետ ունեն
Քաղաքականություն
06.06.2026 | 14:39
«Հանրապետություն» կուսակցությունը դեռևս որոշում չունի՝ «Ուժեղ Հայաստան» կուսակցությունների դաշինքի ընտրական ցուցակի գրանցումն անվավեր կամ ուժը կորցրած ճանաչելու դիմումը մերժելու վերաբերյալ ԿԸՀ որոշումը կվիճարկի վարչական դատարանում, թե ոչ: Այս մասին Factor TV-ի հարցին ի պատասխան հայտնեց կուսակցության անդամ Հայկ Սահակյանը՝ նշելով, որ եռօրյա ժամկետ ունեն վիճարկելու համար:
Հիշեցնենք, որ երեկ՝ ԿԸՀ նիստից անմիջապես հետո, կուսակցությունից Factor TV-ին հայտնել էին, որ դեռևս որոշում չունեն և մինչև այս պահը, փաստորեն, կուսակցությունը այս հարցով որոշում չի կայացրել:
Հիշեցնենք, որ երեկ «Հանրապետություն» կուսակցությունը դիմել է Կենտրոնական ընտրական հանձնաժողով՝ պահանջելով անվավեր կամ ուժը կորցրած ճանաչել 2026թ. հունիսի 7-ին Ազգային ժողովի ընտրություններին մասնակցող «Ուժեղ Հայաստան» կուսակցությունների դաշինքի ընտրական ցուցակի գրանցումը, իսկ դիմումը չբավարարելու դեպքում՝ նույն պահանջով դիմել Վարչական դատարան, սակայն ԿԸՀ-ն դիմումը մերժել է:
«Հանրապետությունը» ԿԸՀ դիմումը ներկայացրել է այն բանից հետո, երբ հունիսի 4-ին Հանրային հեռուստաընկերության կազմակերպած բանավեճի ընթացքում Նիկոլ Փաշինյանը ընտրություններին մասնակցող քաղաքական ուժերին կոչ է արել դիմել ԿԸՀ:
Արաքս Մամուլյան
