06.10.2026 | 12:37
TRIPP-ի զարգացմանը զուգահեռ սպասվում է Հայաստան–Թուրքիա սահմանի բացում․ Փաշինյան
BP-ն Բաքու-Սուփսա նավթամուղի կառավարումը կհանձնի Ադրբեջանին և Վրաստանին
Քաղաքականություն
02.06.2026 | 22:10
Բրիտանական BP-ն հունիսի 8-ին Բաքու-Սուփսա նավթատարի կառավարումը կփոխանցի Ադրբեջանի և Վրաստանի կառավարություններին։ Այս մասին Բաքվում լրագրողներին հայտարարել է ընկերության արտադրության և շահագործման գծով փոխնախագահ Գորդոն Բիրելը, գրում են ադրբեջանական լրատվամիջոցները։
«Հունիսի 8-ին BP-ն Բաքու-Սուփսա նավթատարի ադրբեջանական և վրացական հատվածների օպերատորությունը կփոխանցի այդ հատվածների սեփականատերերին Ադրբեջանում և Վրաստանում»,- ասել է Բիրելը։
Նա ընդգծել է՝ փոխանցումը չի նշանակում, որ ընկերությունը դուրս է գալիս այս ակտիվից։
«Սա պարզապես BP-ի կողմից պայմանագրային պարտավորության կատարում է, որը սահմանվել է 10 տարի առաջ՝ խողովակաշարի պայմանագրի ստորագրման ժամանակ։ Սրանք պայմանագրեր են, նախկինում կնքված համաձայնագրեր են, և որպես նախորդ խողովակաշարի օպերատոր՝ մենք, իհարկե, ունենք պայմանագրային պարտավորություններ։ Կատարելով այս պարտավորությունները՝ մենք խողովակաշարը վերադարձնում ենք դրա սեփականատերերին։ Սա մեր ցանկությունը չէ, այլ մեր պայմանագրային պարտավորությունը»,- ասել է նա։
Բաքու-Թբիլիսի-Ջեյհան խողովակաշարի վերաբերյալ Բիրելը պարզաբանել է, որ BP-ն այս խողովակաշարի շահագործման համար ունի այլ պարտավորություն, այլ պայմանագիր։
Թարգմանությունը՝ Էմմա Չոբանյանի
