07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
ՀՅԴ-ն էլ է մտահոգ. Հրանտ Մարգարյանը կառավարությանը մեղադրում է անգործության համար. ՏԵՍԱՆՅՈՒԹ
Քաղաքականություն
26.11.2018 | 18:48
ՀՅԴ Բյուրոյի ներկայացուցիչ Հրանտ Մարգարյանը Նիկոլ Փաշինյանի կառավարությանը մեղադրում է անգործության համար: Այս մասին այսօր՝ նոյեմբերի 26-ին, նախընտրական քարոզչության շրջանակում կազմակերպված առաջին հավաքի ժամանակ նա ասաց Factor.am-ի հետ զրույցում:
«Նիկոլ Փաշինյանի կառավարությունում աշխատելիս մենք չենք տեսել արդյունք, տեսել ենք անգործություն: Տեսել ենք, որ տարբեր ուժերի մասնակցությունը ոչ թե ուժեղացնում է կառավարությանը, այլ անտեսվում է դա: Եվ այդ առումով մենք մտահոգ ենք, չէինք ուզենա, որ սրանից հետո էլ այդպես լինի»,- նշեց Հրանտ Մարգարյանը:
ՀՅԴ-ն արտահերթ խորհրդարանական ընտրություններում հաջողության հասնելու հույս ունի: «Բայց ավելի շատ վճռականություն ունենք, որ իրականությանը նայենք բաց ճակատով, բացատրենք ժողովրդին, համոզենք և գնանք առաջ: Հուսամ, որ այս ընտրապայքարը կծառայի ժողովրդի ավելի շատ քաղաքականացման, գլխավոր նպատակների շուրջ համախմբման: Վստահ եմ, որ ժողովուրդը ճիշտ ընտրություն կանի»,- հավելեց ՀՅԴ Բյուրոյի ներկայացուցիչը:
Մանրամասները՝ տեսանյութում
