Կալանավորել ենք անձի, որն ընտրակաշառքի դիմաց արտերկրից ժամանել է ՀՀ, ընտրություններին մասնակցելու. ՀԿԿ նախագահ․ ՏԵՍԱՆՅՈւԹ

Լուրեր

16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
16.11.2026 | 19:51
Բաքուն ՆԱՏՕ-ի հուսալի գործընկերն է․ Հաջիևը հայտարարել է՝ Ադրբեջանը պատրաստ է զարգացնել դաշինքի հետ գործընկերությունը՝ հանուն խաղաղ Հարավային Կովկասի
16.11.2026 | 19:33
Բուլղարիայի ափերի մոտ նավ է խորտակվել, որի անձնակազմում Ադրբեջանի քաղաքացիներ են եղել․ ՏԵՍԱՆՅՈՒԹ
16.11.2026 | 19:20
Հայր ու որդի նույն հայտարարագիրն են ներկայացրել
16.11.2026 | 19:09
Պապոյանը Գերմանիայի դեսպանի հետ քննարկել է տնտեսական համագործակցության զարգացման հեռանկարները
Բոլորը

Հակակոռուպցիոն կոմիտեի նախագահ. «Մեր հորդորն է՝ չներքաշվել ընտրական գործընթացների հետ կապված անօրինական գործողությունների մեջ, չդառնալ ընտրական հանցագործությունների մասնակից»:

ՀՀ հակակոռուպցիոն կոմիտեի նախագահ, արդարադատության երրորդ դասի պետական խորհրդական Արթուր Նահապետյանի գլխավորությամբ տեղի է ունեցել Կոլեգիայի ընդլայնված նիստ:

Արթուր Նահապետյանը Կոմիտեի ծառայողներին շնորհավորել է Հանրապետության տոնի առթիվ՝ ընդգծելով վերջին ժամանակահատվածում աշխատանքային գերծանրաբեռնվածության, կոռուպցիոն բնույթի ընտրական հանցագործությունների դեմ տարվող ամենօրյա պայքարի կարևորությունը և այդ կապակցությամբ ներկայացրել որոշակի վիճակագրական տվյալներ:

Նա, մասնավորապես, նշել է, որ 2026 թվականի փետրվարի 7-ից Կոմիտեում կոռուպցիոն բնույթի ընտրական հանցագործություններով նախաձեռնվել է ընդհանուր շուրջ 70 քրեական վարույթ, որոնցով մինչ օրս քրեական հետապնդումներ են հարուցվել 120 անձի նկատմամբ, ձերբակալվել է նրանցից 110-ը։ Նախաձեռնված վարույթներից 8-ը՝ 34 անձի վերաբերյալ շատ կարճ ժամանակահատվածում ավարտվել և մեղադրական եզրակացությամբ հանձնվել է դատարան:

Արթուր Նահապետյանի խոսքով՝ ընտրական հանցագործությունների դեմ պայքարին զուգահեռ, Կոմիտեն հատկապես կարևորում է այդ հանցագործությունների նախականխումը և կանխարգելումը, հանրության շրջանում ընտրակաշառքի և առհասարակ ընտրական հանցագործությունների նկատմամբ անհանդուրժողականության վերաբերմունքի ձևավորումը. «Մեր առաջիկա անելիքները շատ են ու չափազանց կարևոր ընտրական պրոցեսներում մեր քաղաքացիների ազատ կամարտահայտման իրավունքն ապահովելու հարցում: Մենք վստահ քայլերով պետք է շարունակենք առավելագույն ջանք դնել, որպեսզի Հանրապետության ողջ տարածքում նվազագույնի հասցվեն պետության հիմքերը խարխլող ընտրական հանցագործությունները՝ ապահովելով դրանց բացահայտման բարձր ցուցանիշներ»,- ասել է Կոմիտեի նախագահը:

Ըստ Արթուր Նահապետյանի՝ Կոմիտեի օպերատիվ ստորաբաժանումները ամենօրյա ռեժիմով շարունակում են հաղորդումներ ներկայացնել և նախաքննական մարմնին փոխանցել իրենց կատարած մեծածավալ օպերատիվ-հետախուզական միջոցառումների արդյունքները: Այդ բացահայտումների թիվը, ըստ Կոմիտեի նախագահի, առաջիկա օրերին ոչ թե նվազելու է, այլ նոր թափ է ստանալու, ինչը նախաքննական ստորաբաժանումների համար պահանջում է ուժերի լրացուցիչ վերաբաշխում և գերլարում.

«Մենք արդեն իսկ տեսել և բացահայտել ենք ընտրակաշառքի տրամադրման տարբեր սխեմաներ, որոնք հանրայնացվել են:

Նման դեպքերի բացահայտումից և հանրայնացումից հետո հանցավոր խմբերի կողմից մշակվել են նոր մեխանիզմներ, քողարկման նոր եղանակներ, որոնք, սակայն, չեն կարող դուրս մնալ մեր տեսադաշտից:

Ավելին՝ առաջիկայում ունենալու ենք նոր աղմկահարույց բացահայտումներ, այդ թվում՝ այնպիսի հանցավոր սխեմաների մասով, որոնցում իրենց ակտիվ ներգավվածությունն ունեն նաև բարձրաստիճան նախկին պաշտոնյաներ:

Հետևաբար, այս հանցավոր գործընթացի մաս կազմող շրջանակներին կարող է թվալ, որ եթե մինչ այս պահը պատասխանատվության չեն կանչվել, ուրեմն կարողացել են դուրս մնալ Հակակոռուպցիոն կոմիտեի ուշադրությունից։ Դա բնավ այդպես չէ, քանի որ մենք լիարժեք տիրապետում ենք օպերատիվ իրավիճակին, և շատ դեպքերում անհապաղ ձերբակալությունների չդիմելու պատճառը պայմանավորված է հանցավոր շղթայում ներգրավված անձանց շրջանակի և կիրառվող մեխանիզմների ամբողջական բացահայտման անհրաժեշտությամբ և կարևորությամբ։

Իրավական արձագանքը լինելու է անխուսափելի՝ թե՛ ընտրություններին նախորդող ժամանակահատվածում, թե՛ ընտրության օրը, և թե՛ դրանից հետո»,-նշել է Արթուր Նահապետյանը:

Կոմիտեի նախագահը հորդորել է չտրվել որևէ ապօրինի ազդեցության, չներքաշվել ընտրական գործընթացների հետ կապված անօրինական գործողությունների մեջ և չդառնալ ընտրական հանցագործությունների մասնակից կամ աջակցող՝ միաժամանակ կոչ անելով չվտանգել սեփական ազատությունն ու ապագան՝ կարճաժամկետ շահի կամ կեղծ խոստումների համար: